শীঘ্ৰে বৃদ্ধি পাব গুৱাহাটী মহানগৰৰ পৰিসৰ, গুৱাহাটীতো চলিব মেট্ৰ’ ৰে’ল- মেয়ৰ মৃগেন শৰণীয়া
পুনৰ বৃদ্ধি পাব গুৱাহাটী মহনগৰৰ চাৰিসীমা। এই বিষয়ে সদৰি কৰে মহানগৰৰ মেয়ৰ মৃগেন শৰণীয়াই। মেয়ৰ গৰাকীয়ে এই বিষয়ে সদৰি কৰি কয় যে, পলাশবাৰী-জাগীৰোড–চন্দ্ৰপুৰ- চাংচাৰীলৈকে বৃদ্ধি পাব গুৱাহাটীৰ সীমা। লগতে ভৱিষ্যতে গুৱাহাটীত চলিব মেট্ৰ’ ৰে’ল।
মহানগৰখনৰ পৰিসৰ বৃদ্ধিৰ বাবে ইতিমধ্যে ৰাজ্য চৰকাৰে মাষ্টাৰ প্লেন প্ৰস্তুত কৰিছে। সংবাদ মাধ্যমৰ আগত প্ৰকাশ কৰা মতে, এই মাষ্টাৰ প্লেন অনুসৰি মহানগৰখন পলাশবাৰী, চাংচাৰী, চন্দ্ৰপুৰ আৰু জাগীৰোডলৈ বৃদ্ধি কৰাৰ পৰিকল্পনা কৰিছে।
ইতিমধ্যে এই সন্দৰ্ভত সকলোধৰণৰ পৰিকল্পনা প্ৰস্তুত কৰা হৈছে বুলি সদৰি কৰে গুৱাহাটীৰ মেয়ৰ মৃগেণ শৰণীয়াই। এই উদ্দেশ্যে গুৱাহাটী পৌৰনিগমৰ নতুন কাৰ্যালয়ো নিৰ্মাণৰ কাম চলি আছে।
পৌৰনিগমৰ এই নতুন কাৰ্যালয়ত একেলগে ১০০গৰাকী পৰিষদ বহিব পৰা ব্যৱস্থা কৰা হব বুলিও সংবাদ মাধ্যমৰ আগত প্ৰকাশ মেয়ৰৰ। ইয়াৰ উপৰিও আন এক গুৰুত্বপূৰ্ণ কথা সদৰি মেয়ৰগৰাকীৰ।
ভৱিষ্যতে দেশৰ অন্য মেট্ৰ’ চহৰবোৰৰ দৰে গুৱাহাটী মহানগৰীটো মেট্ৰ’ ৰে’ল অথবা ম’ন’ ৰে’ল চলাচলৰ চিন্তা-চৰ্চা কৰি থকা হৈছি বুলি সদৰি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
