দুসপ্তাহ পূৰ্বে আমাৰ মাজত পৰা চিৰবিদায় হৈছে ধৰ্মেন্দ্ৰই৷ তাৰপিছতেই সলনি হৈ পৰিছে হেমামালিনীৰ জীৱনো৷ খুবেই অকলশৰীয়া হৈ পৰিছে হেমামালিনী৷ ধৰ্মেন্দ্ৰৰ প্ৰয়াণৰ পাছত প্ৰথমটো জন্মদিনত ড্ৰিম গাৰ্ল হেমাৰ হৃদয়ভঙা পোষ্ট৷ এক্স হেণ্ডেলত মনৰ কথা উজাৰি লিখিছে ড্ৰিমগাৰ্লে৷ ৯০ বছৰীয়া জন্মদিনত ধৰ্মেন্দক মনত পেলাই কি কৈছে হেমাই?
হেমাই এক্স হেণ্ডেলত লিখিছে- ধৰমজী শুভ জন্মদিন৷ দুঃসপ্তাহৰ বেছি সময় হৈছে তুমি কায়িকভাৱে নাই৷ মোৰ হৃদয় ভাঙি চূৰমাৰ হৈ পৰিছে৷ ধীৰে ধীৰে হৃদয়ৰ টুকুৰাবোৰ বুটলি মোৰ জীৱনটোক নতুনকৈ গঢ়ি তোলাৰ চেষ্টা কৰিছো৷ জানো তুমি সকলো সময়তে মোৰ কাষত আছা৷ আমি একেলগে কটোৱা আনন্দময় সময়বোৰ কেতিয়াও মছি পেলাব নোৱাৰিম৷ সেই মুহূৰ্তসমূহেই মোক আনন্দৰ খোৰাক দি থাকিব৷ মই ভগৱানক ধন্যবাদ জনাও যে এনে সুন্দৰ বছৰসমূহ মোক দিলে৷ দুই কন্যাৰ বাবেই আমাৰ এই সম্পৰ্কৰ বান্ধোন আৰু অটুত হৈ থাকিব৷ সেইসমূহ সুখময় স্মৃতি সকলোসময়তে মোৰ হৃদয়ত থাকিব৷’
তেওঁ লগতে লিখিছে, ‘ভগৱানৰ ওচৰত এটাই প্ৰাৰ্থনা মোৰ, তোমাক সুখ আৰু শান্তিৰে ৰাখক৷’ দীৰ্ঘ পোষ্টৰ সৈতে দুখন ছবিও শ্বেয়াৰ কৰিছে হেমাই৷ কেৱল হেমাই নহয়, এষাৰ পৰা আৰম্ভ কৰি ছানিয়েও পিতৃৰ স্মৃতিত ছচিয়েল মিডিয়াত শ্বেয়াৰ কৰিছে আবেগভৰা পোষ্ট৷ এষাই পিতৃৰ ওপজাদিনত লিখিছে, ‘দেউতা সকলোসময়তে আমাৰ সৈতে আছে৷ সেয়া স্বৰ্গ হওক বা পৃথিৱী৷ মই হৃদয়ক ডাঠ কৰি ধৰি ৰাখিছো তোমাক৷ জীৱনৰ বাকী সময়ো তোমাক এনেদৰেই বুকুত ধৰি ৰাখিব খোজো৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
