৫.১৭ লাখ ৱাকফ সম্পত্তি কেন্দ্ৰৰ উমিদ পৰ্টেলৰ নথিভুক্ত কৰা হৈছে৷ তাৰমাজতেই দুই লাখতকৈ বেছি সম্পত্তিত অনুমোদনো পোৱা গৈছে৷ এই তথ্য জনাইছে কেন্দ্ৰীয় সংখ্যালঘু বিষয়ক মন্ত্ৰণালয়ে৷ ইয়াৰোপৰি কিছু আবেদনত তথ্য পৰীক্ষণৰ পাছত বাতিলো কৰি দিয়া হৈছে৷
ছুপ্ৰিম কৰ্টে জনাইছে যে ৱাকফ সম্পত্তি কেন্দ্ৰৰ পোৰ্টেলত নথিভুক্ত কৰাটো বাঞ্ছনীয়৷ ইয়াৰবাবে বিগত ৬ জুনত উমিদ নামৰ স্বতন্ত্ৰ পোৰ্টেল খুলিব চৰকাৰে৷ ৱাকফ সম্পত্তিৰ নথিভুক্তিকৰণৰ বাবে ছমাহ সময় দিয়া হৈছিল৷ ৬ ডিচেম্বৰ আছিল ইয়াৰ শেষ দিন৷ মন্ত্ৰী কিৰেণ ৰিজেজুৱে বিগত সপ্তাহত শেষ দিনটোৰ কথা উনুকিয়াইয়ো দিছিল৷ এই সময়সীমা আৰু বৃদ্ধি কৰিব নোৱাৰিব বুলিও জনাইছিল মন্ত্ৰী কিৰেণ ৰিজেজুৱে৷ তাৰপিছতেই সোমবাৰে ৱাকফ পৰ্টেলৰ তথ্য আৰু পৰিসংখ্যা প্ৰকাশ কৰা হৈছে৷
কেন্দ্ৰীয় মন্ত্ৰণালয়ে জনাইছে যে ৫ লাখ ১৭ হাজাৰ ৪০ টা ৱাকফ সম্পত্তি পৰ্টেলত নথিভুক্ত কৰা হৈছে৷ তাৰমাজত ২ লাখ ১৬ হাজাৰ ৯০৫ টা সম্পত্তিত অনুমোদনো দিয়া হৈছে৷ সকলোতকৈ বেছি ৱাকফ সম্পত্তি নথিভুক্ত হৈছে উত্তৰপ্ৰদেশৰ পৰা৷ ইয়াৰে ৯২,৮৩০ ৰ পৰা ৮৬,৩৪৫ ছুন্নি আৰু ৬৪৮৫ ছিয়া। ইয়াৰোপৰি মহাৰাষ্ট্ৰৰ পৰা ৬২, ৯৩৯টা, কৰ্ণাটকৰ পৰা ৫৮৩২৮ টা আৰু পশ্চিমবংগৰ পৰা ২৩, ০৮৬ টা ৱাকফ সম্পত্তি কেন্দ্ৰৰ পোৰ্টেলত নথিভুক্ত কৰা হৈছে৷
ৱাকফ সংশোধনী বিলৰ পক্ষে লোকসভাত ২৮৮টা ভোট পৰিছিল৷ বিপক্ষে পৰিছিল ২৩২ টা ভোট৷ অন্যদিশে ৰাজ্যসভাত ১২৮ জন সাংসদে এই বিলৰ পক্ষে ভোট দিয়ে আৰু বিপক্ষে ভোট পৰে ৯৫টা৷ সংসদৰ উভয় কক্ষত এই সংশোধিত বিল পাছ হোৱাৰ সময়ত বিগত ৫ এপ্ৰিলত ৰাষ্ট্ৰপতি দ্ৰৌপদী মুৰ্মূৰ সন্মতিক্ৰমে সেয়া আইনতো পৰিণত হয়৷ তাৰপিছতেই এই গোচৰ ছুপ্ৰিম কৰ্টলৈ যায় আদালতে জনাই যে সংসদত পাছ হোৱা আইনক অসাংবিধানিক বুলিব নোৱাৰি৷ সেই আইনৰ দুটা ধাৰাক লৈ আপত্তি জনাই শীৰ্ষ আদালতে৷ প্ৰথমতে সংশোধিত আইনত কোৱা হৈছিল, কোনো সম্পত্তি ৱাকফ নে চৰকাৰী সেয়া জিলাশাসক বা সম পদমৰ্যাদাৰ কোনো অধিকাৰীয়ে ঠিক কৰিব পাৰে৷ আদালতে ধাৰণা কৰিছে যে এই সিদ্ধান্ত জিলাশাসকে লব নোৱাৰে৷ এয়া আদালতৰ কাম৷ দ্বিতীয়তে এই আইনত কোৱা হৈছে যে যিয়ে ৱাকফত দান কৰিব তেওঁ অন্তত পাঁচ বছৰ পূৰ্বে ইছলাম ধৰ্ম গ্ৰহণ কৰাৰ প্ৰমাণ দিব পাৰিব৷ কিন্তু এয়া কাৰ্যকৰ কৰাৰ কোনো নিয়ম চৰকাৰে বনোৱা নাই৷ এই দুই ধাৰা স্থগিত ৰখা হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
