অসমৰ জনবিন্যাস সলনি আৰু মুছলমানৰ জনসংখ্যা বৃদ্ধিক লৈ উদ্বিগ্ন মুখ্যমন্ত্ৰী হিমন্ত বিশ্ব শৰ্মা৷ তেওঁ কয়, ‘ব্যক্তিগতভাৱে এয়া মোৰ জীৱন মৰণৰ প্ৰশ্ন৷’ হিমন্ত বিশ্ব শৰ্মাই কয়, ‘এয়া ৰাজনৈতিক বিষয় নহয়৷ গভীৰভাৱে চিন্তা কৰাৰ বিষয়৷ ১৯৫১ চনত অসমৰ মুঠ জনসংখ্যাৰ ১২ শতাংশ মুছলমান আছিল৷ সেয়া বাঢ়ি বাঢ়ি এতিয়া ৪০শতাংশ হৈছেগৈ৷ ইয়াম মাজতেই বহু জিলাত এতিয়া তেওঁলোকৰেই আধিপত্য৷ এয়া আমাৰ ৰাজনৈতিক ইছ্যু নহয়৷ এইয়া জীৱন মৃত্যুৰ কথা৷’
উল্লেখ কৰা দৰকাৰ যে অসমত মুছলমানৰ জনসংখ্যা বৃদ্ধিক লৈ হিমন্ত বিশ্বই উদ্বেগ প্ৰকাশ কৰাটো নতুন কথা নহয়৷ পূৰ্বেও মুখ্যমন্ত্ৰীয়ে এই সন্দৰ্ভত মুখ খুলিছিল৷ তেওঁ কৈছিল যে এক নিৰ্দিষ্ট ধৰ্মৰ মানুহে যেনেকৈ অপৰাধমূলক কাৰ্যকলাপ কৰিছে সেয়া যথেষ্ট উদ্বেগৰ বিষয়৷’
অসমত ক্ৰমশ হিন্দু জনসংখ্যাৰ তুলনাত মুছলমান জনসংখ্যা বাঢ়িছে৷ সেই প্ৰমাণ আছে চৰকাৰী পৰিসংখ্যাতেই৷ ইয়াৰ এটা ডাঙৰ কাৰণ হৈছে বাংলাদেশী অনুপ্ৰৱেশ৷ অভিযোগ অনুসৰি সীমান্তৰ সিপাৰৰ পৰা বহু বাংলাদেশী মুছলমান এইপাৰে আহি বেআইনীভাৱে এই দেশৰ নথি তৈয়াৰ কৰি ইয়াতেই বসবাস কৰিবলৈ আৰম্ভ কৰিছে৷ যাৰ ফলত উত্তৰ পূব ভাৰতৰ সকলোতকৈ গুৰুত্বপূৰ্ণ ৰাজ্য অসমত বাঢ়িছে সংখ্যালঘূৰ সংখ্যা৷ সেই বিষয়টোক লৈয়েই উদ্বেগ প্ৰকাস কৰিছে হিমন্ত বিশ্ব শৰ্মাই৷
কিন্তু প্ৰশ্ন হৈছে, এখন নিৰ্বাচিত চৰকাৰৰ প্ৰধান ব্যক্তি এগৰাকীয়ে এইদৰে এক নিৰ্দিষ্ট ধৰ্মৰ জনসংখ্যা বৃদ্ধিক লৈ উদ্বেগ প্ৰকাশ কৰাটো কিমান শোভনীয়? বিৰোধীয়ে ইতিমধ্যেই মুছলমান বিদ্বেষৰ অভিযোগ তুলি সৰৱো হৈছে৷ কিন্তু এই সকলোবোৰ বিতৰ্কক আওকান কৰি মুখ্যমন্ত্ৰীয়ে কৰি গৈছে এটাৰ পাছত আনটো মন্তব্য৷ বৰ্তমান এই ধৰণৰ মন্তব্যৰ বাবেই হিন্দুপ্ৰধান হিচাপে দেশতো জনপ্ৰিয় হৈ পৰিছে মুখ্যমন্ত্ৰী হিমন্ত বিশ্ব শৰ্মা৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
