কেমোথেৰাপি চলিছে৷ কৰ্কটৰ সৈতে যুঁজ চলাই গৈছে অভিনেত্ৰী হিনা খানে৷ স্তন কৰ্কটৰ তৃতীয় পৰ্যায়ত আছে হীনা৷ কঠিন ৰোগৰ সৈতে যুঁজ চলাই জীৱনক আৰু স্বাভাৱিক ছন্দ আনিবলৈ বদ্ধ পৰিকৰ নায়িকা৷ কিন্তু অভিনেত্ৰীগৰাকীৰ শৰীৰত বাহ বান্ধিছে আৰু এক ৰোগে৷ নিজেই সেই কথা পোষ্ট কৰি জনাইছে অভিনেত্ৰীগৰাকীয়ে৷ কেমো থেৰাপিৰ পাৰ্শ্বপ্ৰতিক্ৰিয়াত নতুন ৰোগে বাহ বান্ধিছে হীনাৰ শৰীৰত৷
জনা গৈছে যে মিউকোছাইটিছত আক্ৰান্ত অভিনেত্ৰীগৰাকী৷ ইনষ্টাগ্ৰামত পোষ্ট কৰি অভিনেত্ৰীগৰাকীয়ে লিখিছে, ‘কেমোথেৰাপিৰ আৰু এক পাৰ্শ্বপ্ৰতিক্ৰিয়া৷ চিকিৎসকে যি কৈছে সেয়াই মানি চলিছো৷ যদি কোনোৱে এই ৰোগ সম্পৰ্কে কোনো ধাৰণা থাকে, তেন্তে দয়া কৰি মোক সমাধান জনাওক৷’ লগতে হীনাই জনাইছে যে তেওঁ এনে অৱস্থাত আছে যে তেওঁ একো খাবও পৰা নাই৷
মিউকোছাইটিছ কি ৰোগ?
মিউকোছাইটিছ এনে এক ৰোগ যি কেমোথেৰাপিৰ চিকিৎসাৰ ফলত হয়৷ কেমোৰ বাবে মুখ, ডিঙি, পাচনতন্ত্ৰ আৰু প্ৰজননসহ শৰীৰৰ বিভিন্ন অংগত সমস্যাৰ সৃষ্টি হয়৷ কৰ্কটৰ সৈতে আৰু এক ৰোগে বেছি সমস্যা তৈয়াৰ কৰিছে হীনাৰ শৰীৰত৷ অৱশ্যে সেই ৰোগ নিৰাময় কৰিব পাৰিব৷ কিন্তু কিছু কিছু ক্ষেত্ৰত অৱশ্যে ভয় থাকে৷ এই অসুস্থতাৰ মাজতো তেওঁ কাম চলাই গৈছে৷ সম্প্ৰতি এক বিজ্ঞাপনৰ কামো কৰিছে হীনাই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
