ডিজিটেল ডেস্কঃ মুখ্যমন্ত্ৰীৰ সুৰতে সুৰ মিলাই ৰাজ্যৰ বিশিষ্ট বুদ্ধিজীৱি ড০ হীৰেন গোহাঁইক চৰম কটাক্ষ কৰিলে বিজেপি বিধায়ক মানৱ ডেকাই। মুখ্যমন্ত্ৰী ড০ হিমন্ত বিশ্ব শৰ্মাৰ মন্তব্যক ১০০শতাংশ সমৰ্থন কৰি মানৱ ডেকাই কয় যে, ”মুখ্যমন্ত্ৰী ডাঙৰীয়াই ঠিকেই কৈছে। হীৰেন গোহাঁই সচাঁকৈয়ে ২নম্বৰী মাল।”
BJPৰ বিধায়কগৰাকীয়ে লগতে কয় যে, ”হীৰেন গোহাঁই ডাঙৰীয়াই অধ্যাপক আছিল , তেওঁ এগৰাকী বিজ্ঞ লোক নাইবা তেওঁ বহু কিতাপ লিখিছে, সেইবোৰ বেলেগ কথা। কিন্তু আচঁল কথাটো হল তেওঁ অসমখনক অশান্ত কৰি ৰাখি ভাল পায়। তেনে কাম কৰি তেওঁ শান্তি পায়। তেওঁ কয় যে, নৱপ্ৰজন্মই জ্যেষ্ঠজনক সন্মান কৰিব লাগে। কিন্তু তেওঁ কি কৰিছিল! ভূপেন হাজৰিকাই দাদা চাহেব ফাল্কে এৱাৰ্ড পাওতে তেওঁ কি লিখিছিল! সেই বিশেষ শব্দটো এতিয়াটো মই ৰাজহুৱাভাৱে ক’ব নোৱাৰো। গতিকে তেওঁ যদি এতিয়া কিবা শুনিছে, সেয়া তেওঁৰ কৰ্মফল।”
উল্লেখ কৰা প্ৰয়োজন যে, সংবাদমেল সম্বোধন কৰি লখিমপুৰৰ বিধায়কগৰাকীয়ে ডিমা হাচাওৰ নিৰ্বাচনত বিজেপিৰ জয়ক লৈও বহুকেইটা মন্তব্য কৰে। লগতে কংগ্ৰেছক কটাক্ষ কৰি কয় যে, ‘কংগ্ৰেছ ক্ৰমান্বয়ে সু নেতৃত্বৰ অভাৱ নিঃশেষ হৈ গৈ আছে। সেয়া আমাৰো বেয়া লাগে।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
