বিশ্ব বিখ্যাত চলচ্চিত্ৰ নিৰ্মাতা ক্ৰিষ্টোফাৰ নোলানে তেওঁৰ বহুচৰ্চিত ছবি The Odysseyৰ প্ৰীমিয়াৰৰ বাবে ভাৰতলৈ আহিব। ভাৰতত ছবিখনৰ প্ৰথম প্ৰীমিয়াৰৰ জৰিয়তে এক নতুন ইতিহাস ৰচিবলৈ সাজু হৈছে নোলানে। ছবিখনৰ গ্ল’বেল প্ৰমোশ্যন ট্যুৰৰ অংশ হিচাপে মুম্বাইকো বাছনি কৰা হৈছে। এই বিশেষ অনুষ্ঠানত নোলানৰ সৈতে উপস্থিত থাকিব ম্যাট দ্যম’ন আৰু টম হোলাণ্ড। Universal Pictures International-এ ঘোষণা কৰা অনুসৰি, নোলানে আগন্তুক জুলাইত মুম্বাইত অনুষ্ঠিত হ’বলগীয়া ছবিখনৰ প্ৰীমিয়াৰত অংশগ্ৰহণ কৰিব। যিকোনো চলচ্চিত্ৰৰ মুক্তিৰ বাবে ভাৰতলৈ তেওঁৰ এয়া প্ৰথম আনুষ্ঠানিক ভ্ৰমণ হ’ব। তেওঁৰ সৈতে অস্কাৰজয়ী প্ৰযোজক ইমা থমাছো আহিব ভাৰতলৈ।
মুম্বাইৰ ক’ত অনুষ্ঠিত হ’ব The Odysseyৰ প্ৰীমিয়াৰ?
মুম্বাইত অনুষ্ঠিত হ’বলগীয়া এই অনুষ্ঠানৰ ফলত ভাৰতেও এতিয়া London, Paris আৰু New York Cityৰ দৰে বিশ্বৰ আগশাৰীৰ আন্তঃৰাষ্ট্ৰীয় প্ৰীমিয়াৰ চহৰৰ তালিকাত স্থান লাভ কৰিবলৈ সক্ষম হৈছে। ১৭ জুলাইত মুম্বাইৰ Phoenix Palladiumস্থিত PVR ICON IMAXত The Odysseyৰ বিশেষ প্ৰীমিয়াৰ শ্ব’ অনুষ্ঠিত হ’ব।
The Odysseyৰ কাহিনী কেনেধৰণৰ হ’ব?
ক্ৰিষ্টোফাৰ নোলানৰ কাহিনী আৰু পৰিচালিত The Odyssey বিখ্যাত গ্ৰীক কবি Homerৰ অমৰ মহাকাব্যিক কবিতাৰ আধাৰত নিৰ্মাণ কৰা হৈছে। ছবিখনত ট্ৰয় নগৰৰ পতনৰ পিছত নায়ক অ’ডিছিয়াছৰ ঘৰলৈ উভতি অহাৰ বিপদসংকুল আৰু দহ বছৰৰ দীঘল যাত্ৰাৰ কাহিনী উপস্থাপন কৰা হ’ব। নোলানৰ অস্কাৰজয়ী ছবি Oppenheimerৰ বিশাল সফলতাৰ পিছত The Odyssey তেওঁৰ পৰৱৰ্তী বৃহৎ প্ৰকল্প হিচাপে বিবেচিত হৈছে। ‘অ’পেনহাইমাৰ’-এ ‘শ্ৰেষ্ঠ ছবি’ আৰু ‘শ্ৰেষ্ঠ পৰিচালক’কে ধৰি মুঠ ৭টা একাডেমী বঁটা লাভ কৰিছিল। উল্লেখযোগ্য যে, ক্ৰিষ্টোফাৰ নোলান আৰু এমা থমাছে নিজৰ প্ৰযোজনা সংস্থা Syncopy-ৰ জৰিয়তে প্ৰযোজনা কৰিছে The Odyssey।
এই প্ৰতিবেদন যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
