অসম লাইভ ২৪ঃ বিৰোধীয়ে চৰকাৰক কি সমালোচনা কৰিব। চৰকাৰী দলৰ জনপ্ৰতিনিধিয়েই চোন প্ৰধানমন্ত্ৰীক প্ৰশংসা কৰিবলৈ গৈ হাঁহিয়াতৰ পাত্ৰ সজাইছে সমাজত। সাধাৰণতে প্ৰধানমন্ত্ৰী নৰেন্দ্ৰ মোদীৰ দাড়িক লৈ বিভিন্নজনৰ বিভিন্ন সময়ত বিভিন্ন মত। বিভিন্ন সময়ত প্ৰধানমন্ত্ৰীৰ দাড়িক লৈ কৌতুহল অন্ত নাই বহুতৰে। পিছে শেষত প্ৰধানমন্ত্ৰীৰ দাড়িৰ ভিতৰত থকা কৌতুহলৰ অন্ত পেলালে বিজেপি দলৰে এজন সাংসদে। সেই বিশেষ সাংসদগৰাকী হৈছে মধ্যপ্ৰদেশ ভিৱাৰ জনাৰ্দন মিশ্ৰ। পিছে এইগৰাকী সাংসদে এইবাৰেই যে এনে মন্তব্য ৰাখিছে এনে নহয়। বিভিন্ন সময়ত বিতৰ্কিত মন্তব্য দি এইগৰাকী সাংসদে সংবাদ শিৰোনাম দখল কৰি আহিছে। এইগৰাকী সাংসদে মধ্যপ্ৰদেশৰ এখন ৰাজহুৱা সভাত ভাষণ ৰাখিলে যে ‘‘আমাৰ প্ৰধানমন্ত্ৰী মোদীৰ দাড়িৰ ভিতৰত ঘৰেই ঘৰ সোমাই আছে, মাত্ৰ প্ৰধান মন্ত্ৰীয়ে এবাৰ জোকাৰি দিলে পঞ্চাছ লাখ ঘৰ এনেকৈয়ে খহি পৰিব’’। এতিয়া সাংসদগৰাকীৰ এনে অদ্ভুত মন্তব্যৰ বাবে পুনৰ চৰ্চালৈ আহিছে সংবাদ মাধ্যমত। সেয়ে আমিও কওঁ, মানুহক তোষামোদ কৰিব লাগে কিন্তু ইমানো নহয় যে যি তোষামোদে হাঁহিয়াতৰ পাত্ৰ হয় সমাজৰ আগত।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
