অসম লাইভ২৪ঃ গ্ৰহ-নক্ষত্ৰৰ যোগৰ উপৰত নিৰ্ভৰ কৰিয়েই ভাগ্যোন্নতি হয়। কেনে যাব নতুন বছৰ? সঞ্চয়ৰ সম্ভাৱনা আছে নে বাঢ়িব খৰচ? কৰ্মক্ষেত্ৰত অৱনতি নে উন্নতি? প্ৰেমৰ সম্পৰ্কত আহিব নেকি বিৰাট পৰিবৰ্তন? কোন ৰাশিৰ ভাগ্যত কি আছে? জানি থওক সবিশেষ
মেষ ৰাশি
এই ৰাশিৰ জাতক-জাতিকাসকলৰ বাবে আগন্তুক বছৰটো অত্যন্ত গুৰুত্বপূৰ্ণ। বিপুল লক্ষ্মীলাভৰ সম্ভাৱনা। ব্যৱসায়ীসকলৰ উন্নতি হ’ব। বাঢ়িব আয়। যিসকলে শ্বেয়াৰত বিনিয়োগ কৰিছে তেওঁলোকৰ বাবে অত্যন্ত শুভ হ’ব নতুন বছৰ। বেছিকৈ বিনিয়োগ কৰিব পাৰে। কেৱল আৰ্থিকতেই নহয়, আগন্তুক বছৰ প্ৰেমজীৱনতো বিৰাট পৰিবৰ্তন আহিব। দীৰ্ঘদিনৰ সম্পৰ্কই পূৰ্ণতা লাভ কৰিব। ভ্ৰমণপিপাসুসকলে ফুৰিবলৈ যোৱাৰ সুযোগ পাব। জ্বৰ, ছৰ্দি, কাঁহ, মূৰৰ বিষৰ দৰে সৰুসুৰা শাৰীৰিক অসুস্থতা আহিব পাৰে। কোনো গুৰুত্বৰ শাৰীৰিক সমস্যা হোৱাৰ সম্ভাৱনা নাই।
বৃষ ৰাশি
এই ৰশিৰ জাতকৰ শৰীৰ, স্বাস্থ্য আগন্তুক বছৰত বৰ এটা ভালেৰে নাযাব। কেৰিয়াৰত অৱশ্যে উন্নতি হ’ব। বেচৰকাৰী সংস্থাত কৰ্মৰতসকলৰ পদোন্নতিৰ সম্ভাৱনা। স্বাভাৱিকভাৱেই বেতন বাঢ়িব। ব্যৱসায়ীসকলৰ শ্ৰী বৃদ্ধিৰ সম্ভাৱনা। শ্বেয়াৰ বজাৰত ধন বিনিয়োগ কৰোতে ভাৱিচিন্তি সিদ্ধান্ত লওক। অন্যথা বিপদ বাঢ়িব। যিসকল পঢ়াশুনাৰ সৈতে যুক্তসকলে মাৰ্চ, এপ্ৰিল আৰু ডিচেম্বৰ মাহত সমস্যা বাঢ়িব। পাৰিবাৰিক জীৱনত কিছু বাধাবিঘিনি আহিব পাৰে। পিতৃ-মাতৃৰ অসুস্থতাই আপোনাক চিন্তিত কৰিব। ইয়াৰোপৰি মোমায়েকৰ ঘৰৰ কোনো লোক অসুস্থ হৈ পৰিব। শাৰীৰিক অসুস্থতাই প্ৰেম আৰু বৈবাহিক জীৱনত প্রভাৱ পেলাব। নিজৰ স্বাস্থ্যৰ দিশেৰে নজৰ দিয়ক। চিকিৎসকৰ কাষলৈ যাব লগা হ’ব পাৰে।
মিথুন ৰাশি
আগন্তুক বছৰত কৰ্মক্ষেত্ৰত সাফল্যৰ চূড়াত উঠিব এই ৰাশিৰ জাতক-জাতিকা। বেচৰকাৰী সংস্থাত কৰ্মৰতসকলৰ পদোন্নতিৰ যোগ। বদলিৰ সম্ভাৱনাও আছে। ব্যৱসায়ীসকলৰ লক্ষ্মীলাভ। দাম্পত্য জীৱনত সম্পৰ্কত ফাঁট মেলিব পাৰে। প্ৰেমৰ সম্পৰ্কো ভুল বুজাবুজি। বৈবাহিক সম্পৰ্কত আইনী বিচ্ছেদো হ’ব পাৰে। শাৰীৰিক সমস্যাই দেখা দিব পাৰে। আগন্তুক বছৰত হাইপাৰ টেনছন, অৱসাদৰ দৰে নানান সমস্যাই দেখা দিব পাৰে। ইয়াৰোপৰি পেট আৰু চকুৰ সমস্যাত ভুগিব পাৰে এই ৰাশিৰ জাতকসকল।
কৰ্কট ৰাশি
কৰ্কট ৰাশিৰ জাতক ভ্ৰমণপিপাসু। কাৰণ ড্ৰিম, ডেষ্টিনেশ্ব্যনতো সাফল্যৰ যোগ আছে। শাৰীৰিক অসুস্থতাৰ বাবে বিপুল অৰ্থ ব্যয় হ’ব পাৰে। দাম্পত্য জীৱনত সম্পৰ্ক মধুৰ হ’ব। চিংগলসকলে নতুন সম্পৰ্কত বান্ধ খাব পাৰে। পৰিয়ালৰ লোকসকলৰ সৈতে ভাল সময় কটাব। ছাত্ৰ-ছাত্ৰীসকলৰ বাবেও আগন্তুক বৰ্ষটো শুভ। প্ৰতিযোগিতামূলক পৰীক্ষাত ভাল ফলাফল লাভৰ সম্ভাৱনা।
সিংহ ৰাশি
এই ৰাশিৰ জাতক-জাতিকাসকলে ব্যৱসায়ত বিপুলভাৱে লাভৱান হ’ব। কৰ্মক্ষেত্ৰত উন্নতি হ’ব। কৰ্মসূত্ৰে বিদেশ ভ্ৰমণৰো যোগ আছে। দীৰ্ঘদিন ধৰি পাৰিবাৰিক সমস্যাৰ সমাধান হ’ব পাৰে। পিতৃৰ সৈতে দূৰত্ব বাঢ়িব। প্ৰেমত উন্নত। বিবাহৰ বান্ধোনতো বান্ধ খাব পাৰে। আৱেগৰ বশবৰ্তী হৈ কোনো কাম নকৰিব। শিক্ষাৰ্থীসকলৰ বাবে আগন্তুক বছৰটো অত্যন্ত শুভ। শৰীৰ, স্বাস্থ্য ভালেই থাকিব।
কন্যা ৰাশি
কন্যা ৰাশিৰ জাতক-জাতিকাসকলে চলিত বছৰত ধৈৰ্য্যৰ পৰীক্ষা দিব পাৰে। কাৰণ কৰ্মক্ষেত্ৰত এটাৰ পাছত আনটো বাধা আহিব। ঠাণ্ডা মূৰেৰে পৰিস্থিতি সম্ভালিব পাৰে। ব্যৱসায়ীসকলৰ বাবে বছৰটো বৰ এটা শুভ নহ’ব। প্ৰেম আৰু পাৰিবাৰিক সম্পৰ্কত শুভ। শৰীৰ-স্বাস্থ্য খুব ভালেৰে নাযাব। স্ত্ৰীৰ স্বাস্থ্যৰ দিশেৰে নজৰ দিব। বছৰৰ আৰম্ভণিতে শাৰীৰিক দিশত নজৰ দিব। পঢ়ুৱৈসকলে পৰীক্ষাত আশানুৰূপ ফল লাভ কৰিব। আগন্তুক বছৰত আৱেগ সম্ভালি চলিব। অযথা সম্পৰ্ক নষ্ট হ’বলৈ নিদিব।
তুলা ৰাশি
এই ৰাশিৰ জাতক-জাতিকাসকলৰ বাবে নতুন বছৰটো শুভ। আয়তকৈ ব্যয় বেছি হোৱাৰ সম্ভাৱনা। ইয়াৰ ফলত মানসিক চাপ বাঢ়িব। আগন্তুক বছৰত আয় আৰু ব্যয়ৰ ভাৰসাম্য বজায় ৰখাটো এই ৰাশিৰ জাতক-জাতিকাৰ সন্মুখত ডাঙৰ চেলেঞ্জ। প্ৰেমৰ সম্পৰ্কত উন্নতি হ’ব। সংগী নতুবা সংগীনিৰ সৈতে আপোনাৰ প্ৰেমৰ সম্পৰ্ক মধুৰ হ’ব। অবিবাহিতসকলৰো বিবাহৰ যোগ আছে।
বৃশ্চিক ৰাশি
আগন্তুক বছৰত এই ৰাশিৰ জাতক-জাতিকাসকলে আৰ্থিক উন্নতিৰ বাবে সুযোগ পাব। নিজৰ সপোন পূৰণৰ যোগ আছে। পৰিশ্ৰমৰ ফলত আগন্তুক বৰ্ষত বেছি নম্বৰ লাভ কৰি ছাত্ৰ-ছাত্ৰীসকলে।
ধনু ৰাশি
ধনু ৰাশিৰ সমস্ত জাতক-জাতিকাসকলে উচ্চশিক্ষাৰ সপোন দেখিলে সেয়া পূৰণ হ’ব। অৱশ্যে ইয়াৰ বাবে সু পৰিকল্পনাৰ প্ৰয়োজন আছে। মনত ৰাখিব, সুপৰিকল্পনাৰেহে আগন্তুক বছৰত সাফল্যৰ চূড়াত উপনীত হ’ব। নতুন বন্ধু গঢ়ি উঠিব। প্ৰথম তিনি মাহৰ ভিতৰত প্ৰেমৰ সম্পৰ্কত বান্ধ খোৱাৰ সম্ভাৱনা আছে। আয়ত ভাল। অৱশ্যেই বিনিয়োগত মন দিয়ক। শৰীৰে আমনি দিব পাৰে। খোৱা-বোৱা ঠিক কৰক।
মকৰ ৰাশি
ভৱাচিন্তা কৰি সিদ্ধান্ত লওক। আগন্তুক বছৰত বেয়া অভ্যাসসমূহ ত্যাগ কৰিলে আপোনাৰ পক্ষেই শুভ। বিনিয়োগত ভাবি-চিন্তি সিদ্ধান্ত লওক। সম্পৰ্কত উন্নতি। ইতিবাচত চিন্তা কৰক। অবিবাহিতসকলৰ বিবাহৰ যোগ আছে। ছাত্ৰ-ছাত্ৰীসকলৰ বাবে বছৰটো শুভ। পৰীক্ষাৰ ফল শুভ হ’ব। উচ্চশিক্ষাৰ ইচ্ছাপূৰণ হ’ব। মানসিক দুচিন্তাৰ কাৰণে শাৰীৰিক স্বাস্থ্যতো প্রভাৱ পৰিব পাৰে। নিজৰ শৰীৰৰ দিশত নজৰ দিয়ক। অন্যথা বিপদ অৱশ্যম্ভাৱী।
কুম্ভ ৰাশি
কুম্ভ ৰাশিৰ জাতক-জাতিকাসকলৰ বাবে আগন্তুক বছৰ বৰ এটা মসৃণ নহ’ব। বিভিন্ন চেলেঞ্জৰ মুখামুখি হ’ব পাৰে। কেৰিয়াৰত কিছু বাধা আহিব। ছাত্ৰ-ছাত্ৰীৰ বাবে নতুন বছৰটো বৰ এটা শুভ নহয়। অৱশ্যে কোনো কামত সম্পূৰ্ণ ব্যৰ্থও নহ’ব। সাফল্য আহিবলৈ কিছু দেৰী লাগিব পাৰে। এই সময়ত আপুনি এই কথাই মনত ৰাখক যে, অন্ধকাৰৰ পাছতেই নতুন সুৰ্যোদয় হয়।
মীন ৰাশি
এই ৰাশিৰ জাতক-জাতিকাসকলে কামত ব্যস্ত হৈ থাকি ভালপায়। সেয়ে কৰ্মক্ষেত্ৰত আপোনাৰ উন্নতিক কোনোৱে বাধা দিব নোৱাৰিব। কৰ্মসূত্ৰত বিদেশ ভ্ৰমণৰ সম্ভাৱনা। কিন্তু কামৰ চাপত বহুক্ষেত্ৰত প্ৰিয়জনক সময় দিব নোৱাৰিব পাৰে। পৰিয়ালক সময় দিয়ক। প্ৰেমৰ সম্পৰ্কত উন্নতি। দাম্পত্য জীৱন সুখকৰ হ’ব। খোৱাবোৱা ঠিকমতে কৰিব অন্যথা অসুস্থ হৈ পৰিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
