শ্যামকানু মহন্তক কিয় জামিন দিব নালাগে? এই বিষয়ত আদালতত মহাধিবক্তা দেৱজিৎ লন শইকীয়াই দাঙি ধৰিছে যুক্তি৷ বহুকেইটা কাৰণ দাঙি ধৰিছে মহাধিবক্তাগৰাকীয়ে৷ তেওঁৰ মতে কোনো কাৰণতে জামিন পাব নালাগে শ্যামকানু মহন্তই৷ প্ৰথমতে শ্যামকানুৱে জামিন পোৱা মাত্ৰকেই দেশ এৰি পলায়ন কৰিব৷ জুবিন গাৰ্গক জীয়াই থাকোতে কেনেদৰে শোষণ কৰিছিল শ্যামকানুৱে সেই কথাও দাঙি ধৰিছে মহাধিবক্তাগৰাকীয়ে৷
তেওঁ কোৱা অনুসৰি জুবিন গাৰ্গক শ্যামকানুৱে দীৰ্ঘদিন ধৰি শোষণ কৰি আহিছিল৷ নৰ্থ ইষ্ট ফেষ্টিভেলৰ ব্ৰেণ্ড এম্বেচাডৰ বুলি ঘোষণা কৰিছিল যদিও লাভৰ অংশ দিয়া নাছিল জুবিন গাৰ্গক৷ ৰঙালী অনুষ্ঠান পাতি গান গোৱাৰ বাবদ মাত্ৰ ২০ হাজাৰ টকাহে দিছিল জুবিন গাৰ্গক৷ জুবিনৰ পত্নী গৰিমাকো প্ৰতাৰণা কৰিছিল শ্যামকানু মহন্তই৷ দিল্লীত পতা নৰ্থ ইষ্ট ফেষ্টিভেলৰ ডিজাইনাৰ হিচাপে গৰিমাক পাৰিশ্ৰমিক দিয়া নাছিল শ্যামকানু মহন্তই৷
ছিংগাপুৰলৈ যাবলৈ অস্বীকাৰ কৰাত শ্যামকানুৱে জুবিন গাৰ্গক আত্ম***হত্যা কৰাৰো ব্লেকমেইল কৰিছিল৷ অভিমন্যু তালুকদাৰৰ হতুৱাই হুইস্কী আনি অমৃতপ্ৰভাৱ হাতত দিয়াইছিল শ্যামকানু মহন্তই৷ বিভিন্ন প্ৰকাৰে জীৱিত কালত জুবিন গাৰ্গক ব্লেকমেইল কৰি গৈছিল শ্যামকানু মহন্তই৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
