মানুহৰ দীৰ্ঘায়ু হোৱাৰ আজন্ম ইচ্ছা এইবাৰ পূৰণ হ’ব? ইউনিভাৰ্ছিটি অফ ৰোচেষ্টাৰৰ বিজ্ঞানীসকলে সাম্প্ৰতিক এক গৱেষণাৰ পাছত এই তথ্য প্ৰকাশ কৰিছে৷ সমুদ্ৰৰ গভীৰত বাস কৰা বো-হেড(Bowhead) তিমিৰ জীৱন ৰহস্য বিশ্লেষণ কৰি বিজ্ঞানীয়ে তেনে এক বিশেষ প্ৰটিনৰ সন্ধান পাইছে৷ যিয়ে মানুহৰ আয়ু প্ৰায় ২০০ বছৰ পৰ্যন্ত বঢ়াই দিব পাৰে৷
বিখ্যাত বিজ্ঞান বিষয়ক আলোচনী নেচাৰত প্ৰকাশিত এই গৱেষণাত গৱেষক ভেৰা গৰ্বুনোভা আৰু এন্দ্ৰেই ছেলয়ানাভে জনাইছে যে বো-হেড তিমিয়ে সাধাৰণতে দুই শতাব্দী পৰ্যন্ত জীয়াই থাকে৷ এই তিমিৰ দীৰ্ঘ জীৱনৰ মূল চাবিকাঠি হৈছে CIRBP নামৰ ডিএনএ ৰিপেয়াৰ প্ৰটিন৷ আশ্চৰ্যকৰ বিষয় এয়াই যে অন্যান্য স্তন্যপায়ী প্ৰাণীৰ তুলনাত এই তিমিৰ শৰীৰত এই প্ৰটিনৰ উপস্থিতি প্ৰায় ১০০ গুণ বেছি৷
সাধাৰণতে বয়স বঢ়াৰ লগে লগে মানুহৰ ডিএনএ ক্ষতিগ্ৰস্থ হয়, যৰ পৰা জন্ম হয় কেন্সাৰ বা বাৰ্ধ্যকৰ দৰে সমস্যাৰ৷ কিন্তু এই প্ৰটিনে তিমিৰ শৰীৰত ক্ষতিকৰ জেনেটিক মিউটেছন জমা হ’বলৈ নিদিয়ে৷ বিজ্ঞানৰ ভাষাত ইয়াক কোৱা হয় পেটো ছ পেৰেডক্স৷ য’ত বিশাল শৰীৰৰ তিমিৰ কোটি কোটি কোষ থকা সত্ত্বেও তিমি কৰ্কটত আক্ৰান্ত নহয়৷
গৱেষণাৰ পৰবৰ্তী ধাপত বিজ্ঞানীয়ে যেতিয়া এই তিমিৰ প্ৰটিন মানুহৰ কোষ আৰু ফ্ৰুট ফ্লাই বা মাখিৰ শৰীৰত প্ৰৱেশ কৰোৱা হয় তেতিয়া দেখা যায় যে তেওঁলোকৰ ডিএনএৰ মেৰামতি ক্ষমতা বাঢ়ি যায় আৰু আয়ুসো বাঢ়ি যায়৷ আৰু এক চমকপ্ৰদ তথ্য হৈছে যে শীতল পৰিবেশত এই প্ৰটিনৰ উৎপাদন শৰীৰত বাঢ়ি যায়৷ যিয়ে আমাৰ জীৱনযাত্ৰাৰ ওপৰত পৰিবেশৰ প্ৰভাৱকলৈ নতুনকৈ ভৱাৰ সুযোগ দিছে৷
এই আৱিষ্কাৰ অৱশ্যে এতিয়াও প্ৰাথমিক পৰ্যায়ত আছে আৰু মানুহৰ ওপৰত ইয়াৰ প্ৰয়োগ কৰাৰ পূৰ্বে আৰু দীৰ্ঘ গৱেষণাৰ প্ৰয়োজন৷ বিজ্ঞানীসকলে ইয়াক এতিয়াও চিকিৎসাবিজ্ঞানৰ এক বিশাল মাইলফলক হিচাপেই চাইছে৷ যদি তিমিৰ এই জীৱ বিজ্ঞানক মানুহৰ কল্যাণত ব্যৱহাৰ কৰা সম্ভৱ হয় তেন্তে ভৱিষ্যতে মানুহে হয়তো কেৱল শতায়ু নহয়, বৰং ২০০ বছৰ পৰ্যন্ত সুস্থভাৱে জীৱনযাপন কৰিব পাৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
