ধন অবিহনে একো সম্ভৱ নহয়। গতিকে বহুতে ভৱিষ্যতৰ কথা ভাবি ধন সঞ্চয় কৰিব বিচাৰে। কিন্তু তেওঁলোকে বুজি নাপায় কেনেকৈ বচাব পাৰি। অৱশ্যে ভাল খবৰটো হ’ল যে ইচ্ছা কৰিলে নিয়মিতভাৱে মিউচুৱেল ফাণ্ডত SIP কৰি সহজে ভাল পৰিমাণৰ ধন জমা কৰিব পাৰিব। আনকি আপুনিও সহজে ২০ লাখ টকা ৰাহি কৰিব পাৰে।
SIP হৈছে এটা বিনিয়োগৰ পৰিকল্পনা। এই পৰিকল্পনাৰ জৰিয়তে প্ৰতিমাহে নিৰ্দিষ্ট পৰিমাণৰ ধন মিউচুৱেল ফাণ্ডত বিনিয়োগ কৰা হয়। মিউচুৱেল ফাণ্ডে সেই ধন ষ্টকত বিনিয়োগ কৰে। তাৰ পিছত তাৰ পৰা পোৱা লাভসমূহ মিলাই ৰিটাৰ্ণ দিয়া হয়।
মনত ৰখা উচিত যে মিউচুৱেল ফাণ্ডত বিনিয়োগ কৰিলে বৰ্তমানলৈকে ১২ শতাংশ ৰিটাৰ্ণ দিয়া হৈছে। কিছুমান ক্ষেত্ৰত ৰিটাৰ্ণ ইয়াতকৈ বেছি হয়। কিছুমান ক্ষেত্ৰত ৰিটাৰ্ণ কম হয়। গতিকে বিশেষজ্ঞৰ পৰামৰ্শ মানি SIPত বিনিয়োগ কৰিব পাৰিব। এতিয়া প্ৰশ্ন হয়, মাহে ১০ হাজাৰ টকা বিনিয়োগ কৰি ২০ লাখ টকা ৰাহি কৰিবলৈ কিমান সময় লাগিব? জানি থওক হিচাপ
কিমান বছৰ লাগিব?
মিউচুৱেল ফাণ্ডে সাধাৰণতে প্ৰায় ১২ শতাংশ ৰিটাৰ্ণ দিয়ে। অৰ্থাৎ ৮.৫ৰ পৰা ৯ বছৰত ২০ লাখ টকা আপুনি জমা কৰিব কৰিব পাৰিব। যদি আপুনি অলপ কম ৰিটাৰ্ণৰ হাৰ পায়, ধৰক ১০ শতাংশ পায় তেন্তে ৯.৫ৰ পৰা ১০ বছৰ সময় লাগিব পাৰে। ১৫ শতাংশ সুদত ৰিটাৰ্ণ পালে ৭.৫ৰ পৰা ৮ বছৰত ২০ লাখ টকা জমা হ’ব। গতিকে, এই হিচাপবোৰো মনত ৰাখিব লাগিব। সেই অনুসৰিহে বিনিয়োগ কৰিব পাৰে৷
মনত ৰাখিব, লাৰ্জ কেপ ষ্টকত ৰিস্ক কম। কিন্তু ৰিটাৰ্ণো ইমান বেছি নহয়। আনহাতে মিড কেপ আৰু স্মল কেপত ৰিস্ক অলপ বেছি। একেদৰে এই সকলোবোৰ মিউচুৱেল ফাণ্ডৰ ৰিটাৰ্ণ ভাল। গতিকে বুদ্ধিৰে বিনিয়োগ কৰিব লাগিব আৰু বিনিয়োগৰ পূৰ্বে সকলোবোৰ ভালদৰে চালিজাৰি চাই বিনিয়োগ কৰিব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
