বিদেশৰ পৰা মুঠ কিমান সোণ টেক্স নিদিয়াকৈ আনিব পাৰি? নিয়ম জানিলে বিপদত নপৰে আপুনি

ভাৰতত সোণৰ প্ৰকৃত মূল্যৰ ওপৰত কৰ লোৱা হয়৷ সেয়ে ইয়াত সোণৰ দাম বহুত বেছি৷ বিদেশত সোণৰ ওপৰত টেক্স লোৱা নহয়৷ যিকেইখন দেশত লয় সেইকেইখন দেশতো খুবেই কম৷ সেই কাৰণেই উপসাগৰীয় দেশসমূহলৈ যোৱা পৰ্যটকসকলে প্ৰায়ই তাৰ পৰা সোণ ক্ৰয় কৰে৷

সোণ ক্ৰয়ৰ ক্ষেত্ৰত ভাৰত এক নম্বৰত

ভাৰতীয়সকলৰ বাবে সোণৰ প্ৰতি পৃথক এক উন্মাদনা আছে৷ কিছু লোকে ইয়াক সম্পদ হিচাপে সংৰক্ষণ কৰে, কোনোৱে আকৌ বিনিয়োগৰ মাধ্যম হিচাপে সোণক বিবেচনা কৰে৷ ভাৰতীয় সংস্কৃতিত সোণত বিনিয়োগত মহিলাসকল আগবাঢ়ি থাকে৷ সেই কাৰণেই সোণৰ ক্ৰেতাৰ সংখ্যাৰে ভাৰত বিশ্বৰ এক নম্বৰত আছে৷ ভাৰতত সোণৰ আমদানিৰ সীমা কিমান?

পাছপোৰ্ট আইন ১৯৬৭ অনুসৰি ভাৰতীয় নাগৰিকে বিদেশৰ পৰা সোণৰ গহনা, প্লেট আৰু সোণৰ মুদ্ৰা আনিব পাৰে৷ নাৰী আৰু পুৰুষ ভেদে কিমান সোণ আনিব পৰা যায়? চেন্ট্ৰেল বৰ্ড অফ ইনডায়ৰেক্ট টাক্সেছ এণ্ড কাষ্টমছ সোণ অনাৰ ক্ষেত্ৰত প্ৰত্যেকৰে বাবে সীমা আৰু শুল্ক নিৰ্ধাৰণ কৰিছে৷ বিদেশৰ পৰা অহাৰ পাছত নিৰ্ধাৰিত সীমাতকৈ বেছি সোণ অনাৰ তথ্য আপুনি দিব লাগিব৷ যি কোনো পুৰুষে ২০ গ্ৰাম আৰু যিকোনো নাৰীয়ে ৪০ গ্ৰাম সোণ আনিব পাৰে৷ এই সীমা কাষ্টম শুল্ক মুক্ত৷ ১৫ বছৰৰ বেছি বয়সীয়া শিশুসকলেও ৪০গ্ৰাম সোণ আনিব পাৰে৷ ইয়াৰবাবে অৱশ্যে সম্পৰ্ক এটেষ্টেড কৰিব লাগিব৷

ডুবাইয়ে সীমা ৰাখিছে ১ কিঃগ্ৰাঃ

ভাৰতীয় যাত্ৰীয়ে ডুবাইৰ পৰা ১ কিঃগ্ৰাঃ সোণ আনিব পাৰে৷ পুৰুষ যাত্ৰীয়ে ২০ গ্ৰাম পৰ্যন্ত আৰু মহিলাই ৪০ গ্ৰাম পৰ্যন্ত আনিব পাৰে কোনো চাৰ্জ অবিহনেই৷ ইয়াৰ পাছত ৫০গ্ৰাম পৰ্যন্ত ৩শতাংশ, ১০০ গ্ৰাম পৰ্যন্ত ৬শতাংশ আৰু তাৰ ওপৰত সোণৰ ১০শতাংশ কাষ্টম শুল্ক প্ৰযোজ্য হব৷