কেন্দ্ৰীয় চৰকাৰৰ কৰ্মচাৰী আৰু পেঞ্চনাৰসকলৰ মাজত অষ্টম কেন্দ্ৰীয় দৰমহা আয়োগ (চিপিচি) সন্দৰ্ভত যথেষ্ট কৌতুহলৰ সৃষ্টি হৈছে। ইয়াৰ আটাইতকৈ ডাঙৰ কাৰণ হ’ল ফিটমেণ্ট ফেক্টৰ, যিয়ে কৰ্মচাৰীৰ মৌলিক দৰমহা বৃদ্ধিৰ কথা নিৰ্ধাৰণ কৰিব।
ফিটমেণ্ট ফ্যাক্টৰ হৈছে সেই বহুগুণক যাৰ জৰিয়তে নতুন পে কমিছনৰ অধীনত বৰ্তমানৰ মৌলিক দৰমহা সংশোধন কৰা হয়।
৭ম দৰমহা আয়োগত কি হ’ল?
সপ্তম দৰমহা আয়োগে ২.৫৭ ফিটমেণ্ট ফ্যাক্টৰ নিৰ্ধাৰণ কৰি নূন্যতম মৌলিক দৰমহা ৭ হাজাৰ টকাৰ পৰা ১৮ হাজাৰ টকালৈ বৃদ্ধি কৰে। যদিও চৰকাৰে এতিয়াও ৮ম দৰমহা আয়োগৰ বাবে আনুষ্ঠানিক ফিটমেণ্ট ফ্যাক্টৰ ঘোষণা কৰা নাই, তথাপিও কৰ্মচাৰী সংঘ, পেঞ্চনাৰ গোট, আৰু বিশেষজ্ঞসকলে বিভিন্ন প্ৰস্তাৱ আগবঢ়াইছে।
কিমান ফিটমেণ্ট ফেক্টৰৰ দাবী কৰা হৈছে?
- বৰ্তমান ১.৯২ৰ পৰা ৩.৮৩লৈকে ফিটমেণ্ট ফেক্টৰৰ দাবী কৰা হৈছে।
- ৰাষ্ট্ৰীয় পৰিষদ-জেচিএমৰ কৰ্মচাৰী শাখাই ৩.৮৩ ফিটমেণ্ট ফেক্টৰ দাবী কৰিছে।
- ৰাষ্ট্ৰীয় পেঞ্চনাৰ সংস্থাই ৩.২৫ ফিটমেণ্ট ফ্যাক্টৰৰ পৰামৰ্শ দিছে।
- অল ইণ্ডিয়া ট্ৰেড ইউনিয়ন কংগ্ৰেছে দাবী কৰিছে ৩.০ ফিটমেণ্ট ফেক্টৰ।
- জম্মু-কাশ্মীৰৰ বহু কৰ্মচাৰী সংগঠনে ফিটমেণ্ট ফেক্টৰ ২.৮৬ৰ পৰা ৩.৬৮ৰ ভিতৰত দাবী কৰিছে।
- প্ৰাক্তন বিত্ত সচিব সুভাষ চন্দ্ৰ গাৰ্গৰ মতে চৰকাৰে ১.৯২ ফিটমেণ্ট ফেক্টৰত অনুমোদন দিব পাৰে।
নূন্যতম মৌলিক দৰমহা কিমান হ’ব পাৰে?
বৰ্তমান নূন্যতম মৌলিক দৰমহা ১৮,০০০ টকা, ফিটমেণ্ট ফ্যাক্টৰৰ ওপৰত নিৰ্ভৰ কৰি তলত দিয়া তাৰতম্যৰ অধীনত।
ফিটমেণ্ট ফ্যাক্টৰ সম্ভাৱ্য নতুন মৌলিক দৰমহা
১.৯২ ৩৪,৫৬০ টকা
২.৫৭ ৪৬,২৬০ টকা
২.৮৬ ৫১,৪৮০ টকা
৩.০০ ৫৪,০০০ টকা
৩.২৫ ৫৮,৫০০ টকা
৩.৬৮ ৬৬,২৪০ টকা
৩.৮৩ ৬৮,৯৪০ টকা
যদি ৩.৮৩ ফিটমেণ্ট ফ্যাক্টৰ প্ৰয়োগ কৰা হয়, তেন্তে নূন্যতম মৌলিক দৰমহা ১৮,০০০ টকাৰ পৰা প্ৰায় ৬৮,৯৪০ টকালৈ বৃদ্ধি পাব পাৰে, যিটো প্ৰায় ২৮৩% বৃদ্ধি হ’ব।
পে মেট্ৰিক্সত কি পৰিৱৰ্তন হ’ব?
অষ্টম দৰমহা আয়োগৰ অধীনত বৰ্তমানৰ দৰমহা মেট্ৰিক্সো সংশোধন কৰিব পাৰি। পূৰ্বৰ দৰমহা কমিছনৰ দৰেই সকলো দৰমহা স্তৰতে সমানুপাতিকভাৱে বৃদ্ধি পোৱাৰ সম্ভাৱনা আছে।
আটাইতকৈ গুৰুত্বপূৰ্ণ কথাটো কি?
বৰ্তমান ৩৪,৫৬০ টকা ৰ পৰা ৬৮,৯৪০ টকা লৈকে সম্ভাৱ্য মৌলিক দৰমহাৰ পৰিসৰ বিভিন্ন সংস্থাৰ অনুমান আৰু দাবীৰ ওপৰত ভিত্তি কৰি কৰা হৈছে। চৰকাৰে অষ্টম দৰমহা আয়োগৰ প্ৰতিবেদনত অনুমোদন জনোৱাৰ পিছতহে চূড়ান্ত সিদ্ধান্ত লোৱা হ’ব।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
