আধুনিক যুগত ক্ৰমশ বাঢ়িছে হতাশা, অৱসাদ, প্ৰিয়জনৰ সৈতে দূৰত্ব৷ আপুনিও জীৱনৰ সমস্যাসমূহৰ পৰা মুক্তিৰ পথ বিচাৰি আছে নেকি? যদি হতাশাত ভূগি আছে তেন্তে সুযোগ পালেই আলিংগত কৰক৷ কেৱল প্ৰিয় মানুহকেই নহয় গছ এজোপাক সাৱটি ধৰিলেও আপুনি প্ৰিয়জনতকৈয়ো বেছি শান্তি লাভ কৰিব৷ হাজাৰ সমস্যাৰ সমাধানো পাব৷ খুবেই চৰ্চাত থাকে এই ট্ৰি হাগিং৷ কিয় গছ এজোপাক আলিংগন কৰিলে মন শান্ত হৈ পৰে জানেনে?
ফুল, ফল, পাতেও মানুহক ভালপোৱা বুজাই দিব পাৰে৷ ঘৰত এখন ফুলনি বা কিছু গছ ৰুই থলে স্বাভাৱিকভাৱেই মনটো ভাল লাগে৷ বাঢ়ি অহা প্ৰদূষণৰ পৰাও মুক্তি, পৰ্যাপ্ত অক্সিজেন আদিও গছৰ পৰাই পোৱা যায়৷ একেলগে প্ৰিয় মানুহৰ সৈতে আলিংগনৰ মুহূৰ্তত যেনে অনুভূতি হয়, গছ এজোপাক সাবটি ধৰিলেও একেই স্বস্তি পোৱা যায়৷ মাত্ৰ ২১ ছেকেণ্ড গছক আলিংগন কৰি মৃদু শ্বাস ল’ব লাগে৷ তেতিয়া ধীৰে ধীৰে চাপ আৰু দুশ্চিন্তা কমে৷ ই অন্যন্য এক অনুভূতি আপোনাক দিয়ে৷
গৱেষণাই কৈছে, গছৰ স্পৰ্শই আপোনাৰ মানসিক চাপ কমাই দিব পাৰে৷ ইয়াৰোপৰি হাৰ্টৰ স্বাস্থ্যও ভালে থাকে৷ যিকোও কামত মনোযোগ বঢ়াব পাৰে গছে৷ গছৰ সৈতে সময় কটালেই কামত এনাৰ্জিও পোৱা যায়৷ গছে কাৰ্বন ডাই অক্সাইড শোষণ কৰে আৰু অক্সিজেন উৎপাদন কৰে৷ সেয়ে গছৰ সংস্পৰ্শলৈ আহিলে মানৱ শৰীৰত অক্সিজেনৰ মাত্ৰাও বৃদ্ধি পায়৷ যিকোনো সংক্ৰমণৰ পৰা ৰক্ষা কৰিব পাৰে গছৰ স্পৰ্শই৷
গছক আলিংগনৰ মাধ্যমেৰে শৰীৰত অক্সিটছিন হৰমন নিৰ্গমনৰ মাত্ৰা বাঢ়ি যায়৷ আলিংগনবদ্ধ অৱস্থাত এই হৰমন নিঃসৃত হোৱাৰ ফলত মস্তিষ্ক শান্ত থাকে৷ ৰক্তচাপ আৰু নোৰাপিনেফ্ৰিন নামৰ ষ্ট্ৰেছ হৰমনক নিয়ন্ত্ৰণত ৰাখে অক্সিটছিনে৷ ফলত আপোনাৰ মনলৈ সুখানুভূতি আহে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
