মুম্বাইৰ গুৰগাঁৱৰ এটা বহুমহলীয়া অট্টালিকাৰ লিফ্টত হাইড্ৰজেন বেলুন ফাটি বিস্ফোৰণ ঘটিছে৷ লিফ্টৰ ভিতৰত থকা তিনিজন ব্যক্তিৰ কথমপি ৰক্ষা পৰে প্ৰাণ৷ ঘটনা সোমবাৰৰ৷ আনমোল টাৱাৰ্ছ গুৰগাঁৱস্থিত এই এপাৰ্টমেণ্টত ঘটা ঘটনাই চকু কঁপালত তুলিছে বহুজনৰ৷ ভাইৰেল হৈছে ঘটনাৰ চিচিটিভি ফুটেজ৷ ভিডিঅ’ দেখিলে হতচকিত হৈ উঠিব আপুনিও৷
চিচিটিভি ফুটেজত দেখা গৈছে এজন ব্যক্তিয়ে প্লাষ্টিকৰ বেগত হাইড্ৰজেন বেলুন লৈ লিফ্টত সোমাইছিল৷ সেই সময়তেই এগৰাকী মহিলা আৰু এজন ব্যক্তিও লিফ্টৰ ভিতৰত আছিল৷ হঠাৎ হাইড্ৰজেন বেলুনসমূহ প্ৰচণ্ড শব্দেৰে ফাটি যায়৷ হাইড্ৰজেন গেছ অত্যন্ত দাহ্য হোৱাৰ বাবে মুহূৰ্ততে জুই লাগে লিফ্টত৷ অৱশ্যে লিফ্টৰ দুৱাৰ খোলা থকাৰ বাবে তিনিজনৰে প্ৰাণ ৰক্ষা পৰিছে৷
https://x.com/tripathi_utpal/status/2019124138775048648?s=20
বৰ্তমান খুবেই ট্ৰেণ্ডিঙত চলি আছে হাইড্ৰজেন বেলুন৷ যিকোনো অনুষ্ঠানত সাজসজ্জাৰ বাবে ব্যৱহৃত এই বেলুন৷ বেলুনৰ ভিতৰত থকা হাইড্ৰজেন গেছ যি সামান্য স্ফুলিঙ্গ বা ঘৰ্ষণত জ্বলি উঠিব পাৰে৷ লিফ্টৰ দৰে বন্ধ স্থানত এই ধৰণৰ হাইড্ৰজেন বেলুন লৈ যোৱাটো অত্যন্ত ৰিস্কি৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
