অসম লাইভ২৪ঃ এইবাৰ সপোন ভাঙিল। আকৌ আৰম্ভ হ’ল অপেক্ষা। অপেক্ষাৰ প্ৰহৰ গণিবলৈ আৰম্ভ কৰিছে ভাৰতীয় ক্ৰিকেটপ্ৰেমীয়ে। ২০২৭ চনলৈ অপেক্ষা এতিয়া প্ৰতিজন ক্ৰিকেট অনুৰাগীৰ। কিন্তু ২০২৭ চনৰ আইচিচি বিশ্বকাপ কোনখন দেশে আয়োজন কৰিব?
২৪ৰ বিশ্বকাপ ভাৰতত অনুষ্ঠিত হৈছিল। প্ৰায় এমাহ ধৰি এই টুৰ্নামেণ্ট চলিছিল। দেওবাৰে আহমেদাবাদৰ নৰেন্দ্ৰ মোদী ষ্টেডিয়ামত মুখামুখি হৈছিল ভাৰত আৰু অষ্ট্ৰেলিয়া। ৱাৰ্ল্ডকাপ ফাইনেলত টিম ইণ্ডিয়াক হৰুৱাই ষষ্ঠবাৰৰ বাবে বিশ্ব চেম্পিয়নৰ খিতাপ অৰ্জন কৰিছে কেংগাৰু বাহিনীয়ে। আকৌ ৪বছৰ অপেক্ষা। ৪বছৰ পাছত অনুষ্ঠিত হ’ব আইচিচি বিশ্বকাপ। ২০২৭ৰ টুৰ্নামেণ্ট হ’ব আফ্ৰিকা মহাদেশৰ তিনিখন দেশত। ইয়াৰ ভিতৰত আছে দক্ষিণ আফ্ৰিকা, জিম্বাৱে আৰু নামিবিয়াত। আয়োজক ৰাষ্ট্ৰসমূহৰ মাজত দক্ষিণ আফ্ৰিকাই একমাত্ৰ টেষ্ট খেলা দল।
উল্লেখ্য যে তিনিখন দেশ মিলি আয়োজন কৰিব ১৪সংখ্যক ODI ৱাৰ্ল্ডকাপ। ইয়াৰপূৰ্বে ২০০৩ চনত এদিনায়া আন্তৰ্জাতিক আৰু ২০০৭ চনত টি-২০ বিশ্বকাপ আয়োজন কৰিছিল প্ৰোটিয়াৰাই। সেই দুবাৰেই দুৰ্দান্ত পাৰ্ফৰমেন্স দেখুওৱাইছিল ভাৰতে। ২০০৩ চনৰ ফাইনেলত অষ্ট্ৰেলিয়াৰ হাতত পৰাস্ত হৈছিল সৌৰৱ গাংগুলীৰ অধিনায়কত্বত ভাৰতীয় দলটোৱে। ২০০৭ন চনত প্রথমবাৰ টি-২০ বিশ্বকাপ জয় কৰে টিম ব্লুৱে। ফাইনেলত চিৰপ্ৰতিদ্বন্দী দেশ পাকিস্তানক হৰুৱাই ভাৰতে। সেইবাৰ কেপ্টেইন আছিল মহেন্দ্ৰ সিং ধোনী।
কেতিয়াৰে পাৰ আৰম্ভ হ’ব ২০২৭ৰ বিশ্বকাপ?
চাৰি বছৰ পাছত ২০২৭ৰ এদিনীয়া বিশ্বকাপ আৰম্ভ হ’ব অক্টোবৰ মাহৰ পৰা। চলিব নৱেম্বৰ পৰ্যন্ত। প্ৰায় এমাহ ধৰি এই টুৰ্নামেণ্ট খেলিব ১৪টাকৈ দলে। আয়োজক দেশ হিচাপে
দক্ষিণ আফ্ৰিকা আৰু জিম্বাৱোয়ে ২০২৭ৰ এদিনীয়া বিশ্বকাপ খেলিব। ইয়াৰোপৰি ICCৰ ODI ৰেংকিঙৰ প্ৰথম ৮টা দলে খেলিব বিশ্বকাপ। অন্যান্য ৪খন দেশে বিশ্বকাপ খেলিবৰ বাবে কোৱালিফাই কৰিব লাগিব।
কি ফৰমেটত হ’ব ২০২৭ৰ বিশ্বকাপ?
২০০৩ ৰ ফৰমেট মানিয়েই খেলা হ’ব ২০২৭ ৰ এদিনীয়া বিশ্বকাপ। ১৪টাকৈ দলত দুটা গ্ৰুপত ভাগ কৰা হ’ব। প্ৰতিটো গ্ৰুপৰ পৰা ৩টাকৈ টিম উঠিব ছুপাৰ ছিক্সত। তাৰ পৰাই আৰম্ভ হ’ব ছেমিফাইনেল আৰু ফাইনেলৰ যুঁজ। ২০২৭ৰ বিশ্বকাপত আয়োজক দেশ নামিবিয়াই খেলিবনে সেই কথা এতিয়াও স্পষ্ট নহয়। আফ্ৰিকাৰ এই দেশে ৱাৰ্ল্ডকাপ খেলিবলৈ হ’লে প্ৰথমে যোগ্যতা অৰ্জন কৰিব লাগিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
