নিয়মিত বিনিয়োগ কৰিলে দীৰ্ঘম্যাদি মোটা ৰিটাৰ্ন পোৱা যায়৷ এই দাবী কৰে বিনিয়োগ বিশেষজ্ঞই৷ বৰ্তমান বজাৰত বহু ধৰণৰ বিনিয়োগ বিকল্প আছে৷ চৰকাৰী স্কিম, বণ্ড, বেংক ডিপোজিট স্কিমৰ দৰে বিনিয়োগ অৱশ্যে গেৰেণ্টিযুক্ত ৰিটাৰ্ণ পোৱা যায়৷ ধন হেৰাই যোৱাৰো কোনো প্রশ্ন নাই৷ কোনো ভয় নথকাকৈ যদি কোনোৱে নিয়মিত বিনিয়োগৰ মাধ্যমেৰে অলপ টকা বিনিয়োগ কৰে তেন্তে পোষ্ট অফিচৰ ৰেকাৰিং ডিপোজিটেই আদৰ্শ স্কিম৷
বৰ্তমান সময়ত ৰেকাৰিং ডিপোজিট এক খুবেই জনপ্ৰিয় স্কিম৷ বেংকৰ সৈতে পোষ্ট অফিচৰ এই ৰেকাৰিং ডিপোজিট স্কিমো যথেষ্ট ভাল স্কিম৷ পোষ্ট অরফিচৰ ৰেকাৰিং ডিপোজিট স্কিমত প্ৰতি মাহে ২০০০ টকা জমা কৰিলে ৫ বছৰত কিমান ধন পোৱা যাব৷ পোষ্ট অফিচৰ ছেভিংছ স্কিমৰ মাধ্যমেৰে ৫বছৰত আৰ ডি স্কিম খুবেই জনপ্ৰিয়৷ পোষ্ট অফিচৰ এই ৰেকাৰিং ডিপোজিটত বাৰ্ষিক ৬.৭শতাংশ সুদ অফাৰ কৰা হয়৷ এই হিচাপত কোনোৱে যদি ৫ বছৰৰ বাবে পোষ্ট অফিচৰ ৰেকাৰিং ডিপোজিটত ২০০০ কৈ জমা কৰে তেন্তে কেলকুলেছন অনুসৰি মেচিউৰিটিৰ সময়ত পোৱা যাব মুঠ ১,৪২,৭৩২টকা৷ পোষ্ট অফিচৰ ৰেকাৰিং ডিপোজিট স্কিমত কোনোৱে যদি ৫ বছৰৰ বাবে ২০০০ কৈ মাহিলী জমা কৰে তেন্তে মেচিউৰিটিৰ সময়ত সুদ হিচাপে পোৱা যাব ২২,৭৩২ টকা৷ এই সুদৰ হিচাপত ধৰা হৈছে পোষ্ট অফিচৰ বৰ্তমান বাৰ্ষিক সুদৰ হাৰত ৬.৭শতাংশ৷
মাত্ৰ ১০০ টকা জমা দি এই একাউণ্ট আপুনি খুলিব পাৰে৷ এইক্ষেত্ৰত এজন বিনিয়োগকাৰীয়ে কেইবাটাও এনে একাউণ্ট খুলিব পাৰে৷ এই ৰেকাৰিঙৰ ম্যাদ ৫ বছৰ হ’লেও ৩ বছৰত প্ৰি মেছিউৰ ক্লোজাৰো কৰিব পাৰে৷ আকৌ মেছিউৰিটিৰ পাছতো এই ৰেকাৰিঙৰ ম্যাদ আপুনি বঢ়াবও পাৰে৷ নমিনিৰো সুবিধা আছে৷ আৰ ডি এনে এক স্কিম, যাৰ বিপৰীতে বিনিয়োগৰাকীয়ে ঋণ ল’ব পাৰে৷ পোষ্ট অফিচৰ নিয়ম অনুসৰি ১২ টা কিস্তি জমা দিয়াৰ পাছত একাউণ্টত জমা হোৱা পৰিমানৰ ৫০শতাংশ পৰ্যন্ত ঋণ ল’ব পাৰে৷ ঋণ একক বা কিস্তিতো শোধ কৰিব পাৰে৷ ঋণৰ সুদৰ হাৰ ৰেকাৰিং ডিপোজিটৰ সুদৰ হাৰ ২শতাংশ বেছি হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
