অসম লাইভ২৪ঃ প্ৰকৃতিয়ে শৰীৰক যেনেকৈ গঠন কৰিছে সেই গঠনত বহু মানুহেই সুখী নাথাকে৷ বিশেষকৈ মহিলাসকলে৷ প্ৰায়সকল মহিলাই এই বিষয়টোক লৈ অসন্তুষ্ঠ হৈ থাকে৷ নিজকে আকৰ্ষণীয় কৰি তুলিবলৈ বিভিন্ন সময়ত বিভিন্ন পন্থা অৱলম্বন কৰি আহিছে ভাৰতীয় নাৰীয়ে৷ বিশেষকৈ অভিনয়ৰ ক্ষেত্ৰত জড়িত থকা প্ৰায়সকলেই নিজকে আকৰ্ষণীয় কৰিবৰ বাবেই জটিল একোটা অস্ত্ৰোপছাৰ কৰাটো এতিয়া স্বাভাৱিক কথাই হৈ পৰিছে৷
এইসকলোবোৰৰ ভিতৰত এটা অস্ত্ৰোপছাৰ হৈছে স্তনৰ অস্ত্ৰোপছাৰ বা স্তন প্ৰতিৰোপন৷ চিকিৎসা বিজ্ঞানৰ বিশেষ পদ্ধতিৰ সহায়ত স্তনৰ আকাৰ নিজ ইচ্ছামতে সৰু-ডাঙৰ কৰিব পাৰি৷ ভাৰতীয় মহিলাসকলে প্ৰায়েই স্তন সংৰোপন কৰোৱাই৷ মূলত ভাৰতীয় মহিলাসকলক লৈ কৰা এক সমীক্ষাত পোহৰলৈ আহিছে যে ২০২১ বৰ্ষতেই প্ৰায় ৩১ হাজাৰ মহিলাই স্তন সংৰোপন কৰিছে৷ তাৰ মাজতেই ১৫ হাজাৰ মহিলাই এই অস্ত্ৰোপছাৰ কৰিছে স্তনৰ আকাৰ সৰু কৰাৰ বাবেই৷ কিন্তু বহুতেই ভাৱে যে শৰীৰক আৱেদনময়ী কৰি তুলিবলৈ স্তনৰ আকাৰ ডাঙৰ হোৱাটোৱে প্ৰয়োজন তাৰ সলনি কিয় এই অস্ত্ৰোপছাৰ কৰিছে ভাৰতীয় মহিলাই?
এই অস্ত্ৰোপছাৰৰ আঁৰত আছে বিশেষ কাৰণ৷ সমস্যাৰ পৰা মুক্তি পোৱাৰ এক উপায় এই অস্ত্ৰোপছাৰ৷ সমীক্ষাত প্ৰকাশ পোৱামতে অধিকাংশ মহিলাই ভাৱে যে তেওঁলোকৰ স্তনৰ আকাৰ ডাঙৰ৷ যাৰফলত বহুসময়ত বহুঠাইত হীনমন্যতাৰো সন্মুখীন হয়৷ অদ্ভুত আকাৰ লোৱাৰ পৰা ৰক্ষা পাবৰ বাবেই এই অস্ত্ৰোপছাৰ কৰি সৰু কৰি পেলাই বহু মহিলাই৷ বিষয়টোক লৈ বিখ্যাত এজন প্লাষ্টিক চাৰ্জনে কয়, ভাৰতীয় মহিলাৰ স্তনৰ আকাৰ বিশ্বৰ আন প্ৰান্তৰ মহিলাৰ তুলনাত ডাঙৰ৷ সেয়ে অস্ত্ৰোপছাৰৰ মাধ্যমেৰে বহুতেই এই সমস্যা সমাধান কৰিবলৈ আৰম্ভ কৰিছে৷ কেৱল আকৰ্ষণীয় শৰীৰ লাভৰ বাবেই নহয় শৰীৰৰ বাবেও এয়া প্ৰয়োজনীয়৷ কিন্তু এই অস্ত্ৰোপছাৰ যথেষ্ট ব্যয়বহুলো বুলি জনায় চিকিৎসকগৰাকীয়ে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
