অষ্ট্ৰেলিয়া ভ্ৰমণৰ বাবে ঘোষণা কৰিলে টিম ইণ্ডিয়াৰ, পুনৰ স্থান লাভ এইগৰাকী অসমীয়াৰ
অষ্ট্ৰেলিয়া ভ্ৰমণ কৰিবলৈ ওলাইছে মহিলা ক্ৰিকেট দল। এই ভ্ৰমণত দুয়োটা দলৰ মাজত তিনিখন এদিনীয়া, তিনিখন টি-২০ আৰু এখন টেষ্ট মেচ অনুষ্ঠিত হ’ব। এই ভ্ৰমণৰ বাবে দল ঘোষণা কৰা হৈছে। এই দলত স্থান লাভ অসমৰ উমা চেত্ৰীৰ। উমা চেত্ৰী একপ্ৰকাৰ স্থায়ী খেলুৱৈ হৈ পৰিছে ভাৰতীয় ক্ৰিকেট মহিলা দলৰ।
এই ভ্ৰমণত ইণ্ডিয়া-এ মহিলা ক্ৰিকেট দলৰ অধিনায়কত্ব স্পিনাৰ মিন্নু মণিৰ হাতত অৰ্পণ কৰা হৈছে। ইয়াৰ উপৰিও শ্বেতা ছেহৰাৱাটক দলৰ উপ- অধিনায়ক হিচাপে নিযুক্তি দিয়া হৈছে।
অষ্ট্ৰেলিয়া ভ্ৰমণৰ বাবেও শ্ববনাম শ্বাকিলক দলত অন্তৰ্ভুক্ত কৰা হৈছে যদিও শ্ববনাম এতিয়াও সম্পূৰ্ণ ফিট হোৱা নাই, গতিকে এই ভ্ৰমণৰ ভিতৰত যদি তেওঁ ফিট হৈ পৰে তেন্তে তেওঁক খেলা দেখা যাব। প্ৰিয়া পুনিয়াইও এই ভ্ৰমণৰ বাবে সুযোগ পাইছে। ইয়াৰ উপৰিও ভাৰতীয় ছিনিয়ৰ দলৰ বাহিৰত থকা মেঘনা সিঙকো দলত অন্তৰ্ভুক্ত কৰা হৈছে। এই ভ্ৰমণত উজ্জ্বল প্ৰদৰ্শন কৰি মেঘনাই ছিনিয়ৰ দলৰ বাবে নিজৰ দাবী দাঙি ধৰিব বিচাৰিছে।
ভাৰত ‘এ’ বনাম অষ্ট্ৰেলিয়া ‘এ’ৰ সম্পূৰ্ণ সূচী।
প্ৰথম টি২০- ৭ আগষ্ট
দ্বিতীয় টি২০- ৯ আগষ্ট
তৃতীয় টি২০- ১১ আগষ্ট
প্ৰথম এদিনীয়া – ১৪ আগষ্ট
দ্বিতীয় এদিনীয়া – ১৬ আগষ্ট
তৃতীয় এদিনীয়া – ১৮ আগষ্ট
টেষ্ট মেচ- ২২ৰ পৰা ২৫ আগষ্টলৈ
অষ্ট্ৰেলিয়া ভ্ৰমণৰ বাবে ১৮ জনীয়া ইণ্ডিয়া-এ মহিলা ক্ৰিকেট দলটো-
মিন্নু মণি (অধিনায়ক), শ্বেতা ছেহৰাৱত (উপ অধিনায়ক), কিৰণ নৱগিৰে, শুভা সতীশ, তেজল হাছবনীছ, প্ৰিয়া পুনিয়া, উমা ছেত্ৰী (উইকেট ৰক্ষক), ৰাঘৱী বিষ্ট, সজনা সজীৱন, শিপ্ৰা গিৰি, মন্নত কাশ্যপ, তনুজা কানৱাৰ, ছৈকা ইছহাক , ৰাঘৱী বিষ্ট, শবনম শকীল, ছাইলী সাতঘৰে, এছ যশশ্ৰীছ প্ৰিয়া মিশ্ৰ, মেঘনা সিং।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
