অসম লাইভ২৪ঃ ২০২২ বৰ্ষৰ ফিফা অৰ্থাৎ বিশ্বকাপ ফুটবল আৰম্ভ হ’ব ২০ নৱেম্বৰৰ পৰা। কিন্তু এইবাৰো ভাৰতীয় ফুটবল দলটোৱে টুৰ্ণামেণ্টত অংশগ্ৰহণ কৰিব পৰা নাই। কাটাৰত ২০ নৱেম্বৰৰ পৰা অনুষ্ঠিত হ’বলগীয়া এই টুৰ্ণামেণ্টৰ সমাপ্তি হ’ব ১৮ ডিচেম্বৰ তাৰিখে। এইবাৰৰ টুৰ্নামেন্টত লিয়োনেল মেছি, ক্ৰিষ্টিয়ানো ৰোনাল্ডোৰ দৰে খেলুৱৈৰো এই বিশ্বকাপেই হ’ব পাৰে শেষৰখন বিশ্বকাপ। ইতিমধ্যে ২০২২ৰ ফিফা বিশ্বকাপেই শেষ বিশ্বকাপ হ’ব বুলি সংবাদমেলযোগে ঘোষণা কৰিছিল লিয়োনেল মেছিয়ে। চাৰিবাৰ ফিফা বিশ্বকাপ খেলা লিয়োনেল মেছিৰ ঘোষণাৰ পাছতেই তোলপাৰ লাগিছিল বিশ্বৰ ফুটবলপ্ৰেমীৰ মাজত।
কেইখন দেশে ভাগ লৈছে ফিফা বিশ্বকাপত?
২০২২ৰ ফিফা বিশ্বকাপত মুঠ ৩২ খন দেশে অংশগ্ৰহণ কৰিছে। কিন্তু এইবাৰো ভাৰতীয় দলটোৱে এই টুৰ্নামেন্টত অংশগ্ৰহণ কৰিব নোৱাৰিলে। প্ৰতিভাৱান ফুটবলাৰ সুনীল ছেত্ৰীৰ অধিনায়কত্বত ভাৰতীয় দলটোৱে দ্বিতীয় ৰাউণ্ডতেই পৰাস্ত হৈ দেশলৈ উভতি আহিবলগা হয়। এছিয়া মহাদেশৰ পৰা এইবাৰ ফিফা বিশ্বকাপত মুঠ ৬খন দেশে অংশগ্ৰহণ কৰিছে। কিন্তু ইয়াৰ মাজতেই এটা কথা অনস্বীকাৰ্য যে ভাৰতীয় দলটোৱে পূৰ্বে ফিফাত অংশগ্ৰহণ কৰাৰ যোগ্যতা অৰ্জন কৰিছিল।
খালী ভৰিৰেই ভাৰতীয় দলে অৰ্জন কৰিছিল ফিফা বিশ্বকাপ খেলাৰ যোগ্যতা
১৯৫০ চনৰ কথা। সেইবাৰ ফিফা বিশ্বকাপ ফুটবলৰ আয়োজন কৰা হৈছিল ব্ৰাজিলত। সেইবাৰৰ বিশ্বকাপ খেলাৰ বাবে ভাৰতীয় ফুটবল দলটোৱেও যোগ্যতা অৰ্জন কৰিছিল। কিন্তু যোগ্যতা থকা স্বত্ত্বেও ভাৰতীয় দলটোৱে বিশ্বকাপত খেলিব নোৱাৰিলে। কাৰণ সেই সময়ত ভাৰতীয় ফুটবল দলে খালী ভৰিৰে খেলিছিল। সেইবাবেই দলটোৱে যোগ্যতা অৰ্জন কৰা স্বত্তেও খেলিব নোৱাৰিলে। ১৯৫০ চনত ভাৰতীয় দলটোৰ এজন খেলুৱৈ মহম্মদ আব্দুল ছেলিমে তেতিয়া স্কটলেণ্ডৰ এটা ক্লাবৰ হৈ খালী ভৰিৰেই খেলত অংশগ্ৰহণ কৰিছিল। কিন্তু সেই সময়ত ফিফাৰ নিয়ম অনুসৰি সকলোৱেই জোতা পৰিধান কৰিব লাগে। কিন্তু ভাৰতীয় ফুটবলাৰৰ জোতা পিন্ধাৰ অভ্যাসেই নাছিল। সেয়ে জোতা পিন্ধি খেলিবলৈ অস্বস্তি অনুভৱ কৰিছিল ভাৰতীয় দলটোৱে যাৰবাবে টুৰ্নামেন্টত ভাগ ল’বলৈ অস্বীকাৰ কৰে দলটোৱে।
ইয়াৰ পিছত ফিফাৰ বাবে যোগ্যতা অৰ্জন কৰিছেনে ভাৰতীয় দলে?
দ্বিতীয়তে ভাৰতীয় দলে যোগ্যতা অৰ্জন কৰিব নোৱাৰাৰ কাৰণ আছিল খৰচ। কিয়নো বিদেশলৈ গৈ খেলৰ অনুশীলন চলাবলৈ ভাৰতীয় ফুটবল ফেডাৰেছনৰ হাতত ইমান ধন নাছিল। কিন্তু ফিফাই ভাৰতীয় দলটোৰ যোগ্যতাৰ বিষয়ে গম পায় খেলত অংশগ্ৰহণ কৰিবলৈ যোৱাৰ সমূহ খৰচ বহন কৰিছিল। কিন্তু তাৰপিছতো ভাৰতীয় দলো ফুটবল টুৰ্ণামেণ্টত অংশগ্ৰহণ কৰিব নোৱাৰিলে।
বৰ্তমান ভাৰতীয় ফুটবল দলৰ প্ৰদৰ্শন উন্নত নহয়
ভাৰতীয় ফুটবল সমৰ্থকৰ বাবে অত্যন্ত দুঃখবৰ এয়ে যে ১৯৫০ চনৰ পাছত আৰু ফিফা বিশ্বকাপত ভাৰতীয় ফুটবল দলে খেলাৰ বাবে যোগ্যতা অৰ্জন কৰিব পৰা নাই। ফিফাৰ ৰেংকিঙতো ভাৰতীয় দলটোৰ তথৈবচ অৱস্থা। বৰ্তমান ১০ টা শক্তিশালী দলৰ তালিকাতো স্থান নাই ভাৰতীয় দলটোৰ। অৰ্থাৎ বিশ্বৰ ১০০ খন ফুটবেল খেলা দেশৰ তালিকাতো স্থান নাই ভাৰতীয় ফুটবল দলটোৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
