সংগীতৰ অস্কাৰ খ্যাত গ্ৰেমীত ভাৰতীয়ই ৰাখিলে মান, বিয়ন্সে ‘কাউবয় কাৰ্টাৰ’ৰ বাবে শ্ৰেষ্ঠ দেশীয় এলবাম লাভ কৰে
সংগীতৰ অস্কাৰ খ্যাত গ্ৰমী বঁটাৰ ঘোষণা। লছ এঞ্জেলছৰ ডাউনটাউনৰ ক্ৰিপটাটউন এৰিনাত অনুষ্ঠিত হৈছে ৬৭ সংখ্যক গ্ৰেমী বঁটা প্ৰদান অনুষ্ঠান। এইবাৰৰ গ্ৰেমীত শ্ৰেষ্ঠ কান্ট্ৰী এলবামৰ সন্মান লাভ কৰে বিয়ন্সীয়ে। কাউবয় কাৰ্টাৰ শীৰ্ষক এলবামৰ বাবে এই বঁটা লাভ কৰে বিয়ন্সীয়ে।
আনহাতে শ্ৰেষ্ঠ পপ গায়িকাৰ বঁটা লাভ কৰে ছাব্ৰিনা কাৰ্পেণ্টাৰে। গ্ৰেমীতেই ভাৰতৰো নাম ৰাখে ভাৰতীয় সংগীতৰ ধুৰন্ধৰে। শ্ৰেষ্ঠ নিউ এজ এলবামৰ গ্ৰেমী বঁটা লাভ কৰে ভাৰতীয় মূলৰ চন্দ্ৰিকা টেণ্ডনে। টেণ্ডনে তেখেতৰ ‘ত্ৰিভেনী’ এলবামৰ বাবে এই বঁটা লাভ কৰে।
উল্লেখ্য যে, চন্দ্ৰিকা টেণ্ডন বিশ্ব বিখ্যাত ভাৰতীয় ব্যৱসায়ী তথা পেপচিকোৰ প্ৰাক্তন চি ই অ ইন্দ্ৰা নুয়ীৰ জ্যেষ্ঠ ভগ্নী। বৰ্তমানে চন্দ্ৰিকা টেণ্ডন আমেৰিকাৰ বাসিন্দা।
এই শিতানত অন্য কেইবাগৰাকী ভাৰতীয়ও মনোনয়ন লাভ কৰিছিল। এই তালিকাত আছিল পূৰ্বৰ দুবাৰৰ গ্ৰেমী বঁটা প্ৰাপক ৰিকি কেজ, এবাৰৰ বঁটা প্ৰাপক অনুষ্কা শংকৰো আছিলষ কিন্তু সকলোকে পৰাস্ত কৰি দক্ষিণ আফ্ৰিকাৰ ফ্লাউটিষ্ট ৱাউটাৰ কেলাৰমেন আৰু জাপানী চেলিষ্ট এৰু মাটছুমোটোৰ সৈতে এই বঁটা লাভ কৰে চন্দ্ৰিকা টেণ্ডনে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
