অসম লাইভ২৪ঃ ২৫০০ বছৰ ধৰি এটা সূত্ৰ সমাধান কৰিবলৈ চেষ্টা কৰিও বাৰে বাৰেই বিফল হৈ আহিছে গৱেষক। সংস্কৃত ব্যাকৰণৰ এই জটিল সূত্ৰ কোনোৱে কৰিব পৰা নাই সমাধান। যীশুখ্ৰীষ্টৰ জন্মৰ ৫০০ বছৰ পূৰ্বেৰে পৰাই গৱেষক ব্যস্ত হৈ আহিছে এই সূত্ৰ সমাধানৰ বাবে। সংস্কৃতৰ বহু বিদগ্ধ পণ্ডিতে সমাধান কৰিব নোৱাৰা এই সূত্ৰ ২৫০০ বছৰৰ অন্তত সমাধা কৰিলে ভাৰতীয় গৱেষক ছাত্ৰ ঋষি ৰাজপোপাটে। কেমব্ৰিজ বিশ্ববিদ্যালয়ৰ তেওঁ গৱেষক ছাত্ৰ। বৃহস্পতিবাৰে ৰাজপোপাটে প্ৰকাশ কৰিছে তেওঁৰ গৱেষণাপত্ৰ। গৱেষণাপত্ৰতেই আছে সংস্কৃত ব্যাকৰণৰ সেই জটিল সূত্ৰটোৰ সমাধান। পাণিনিৰ ব্যাকৰণত আছে সেই জটিল সূত্ৰ।
বিশেষজ্ঞই কোৱা অনুসৰি সংস্কৃত ব্যাকৰণৰ এই সমাধান বৈপ্লৱিক। ইয়াৰ ফলত পাণিনিৰ ব্যকৰণ এতিয়া কম্পিউটাৰযোগেও শিকাব পৰা যাব। অৰ্থাৎ কম্পিউটাৰৰ মাজত প্ৰগ্ৰাম হিচাপে থাকিব এই পাণিনিৰ সমাধান নোহোৱা বিশেষ সূত্ৰৰ সমাধানটো। ঋষিয়ে প্ৰথমেই যেতিয়া সূত্ৰটোৰ সমাধান ওলিয়াইছিল তেতিয়া তেওঁ নিজেও কিছু সময়লৈ বাকৰূদ্ধ হৈ পৰিছিল। তেওঁৰ মনলৈ প্ৰতিনিয়ত আহিব লৈছিল, ‘ইউৰেকা’ পাই গ’লো। ঠিক আৰ্কিমিডিছৰ দৰেই জপিঁয়াই উঠিছিল ঋষি। মনাহ ধৰি গৱেষণা চলাইছিল ঋষিয়ে। ঋষিয়ে এই সন্দৰ্ভত কয়, বহু চেষ্ঠা কৰিও একো সমাধান পোৱা নাছিলো। শেষত এমাহৰ বাবে এই কাম বন্ধই কৰি দিছিলো। চাইকেল চলাই, খাদ্য ৰান্ধি, সাঁতুৰি, ধ্যান কৰি সময় অতিবাহিত কৰিছিলো। তাৰপাছত এইসমূহ কৰিও মানসিক শান্তি নাছিল। অৱশেষত আকৌ আধৰুৱা গৱেষণাৰ কামত লাগিলো। পাণিনিৰ ব্যাকৰণৰ কিতাপখন লুটিয়াই থকাটো অভ্যাস। সেইদিনাও লুটিয়াই চাওঁতে হঠাতেই মোৰ মনত সমাধানটো আহি গৈছিল। এতিয়াও বহু কাম বাকী যদিও সেই বিশেষ কামটোত মই মনোনিৱেষ কৰিলো।’
পাণিনি সন্দৰ্ভতো তেওঁ মন্তব্যত কয়, ‘পাণিনিৰ মেধা অসাধাৰণ আছিল। তেওঁ যি ব্যাকৰণ ৰচনা কৰিছে তাৰ তুলনা বিশ্বৰ কোনো সাহিত্যিকৰ লগতেই কৰিব নোৱাৰি। সেয়ে তেওঁ হয়তো জীৱনকালত আশা কৰাও নাছিল আমাৰ দৰে সাধাৰণ কোনো গৱেষণা কৰি থকা ছাত্ৰই তেওঁৰ সূত্ৰৰ সমাধান ওলিয়াব! আমি কোনো এটা সূত্ৰৰ সমাধান উলিয়ালেও পাণিনিৰ ব্যাকৰণৰ বহু কথা এতিয়াও ভাৱি মূৰ ঘূৰাই।’
উল্লেখ্য যে পাণিনিৰ এই সূত্ৰৰ সমাধানৰ পাছতেই এতিয়া এটা সংস্কৃত শব্দৰ পৰাই বহু হাজাৰ হাজাৰ শব্দ তৈয়াৰ কৰিব পৰা যাব। খ্ৰীষ্টপূৰ্বতেই লিখা ব্যাকৰণো ঠিক এটা যন্ত্ৰৰ দৰেই। সংস্কৃতক লৈ অতীতত বহু চৰ্চা আছিল যদিও বৰ্তমান ভাৰতত সংসকৃত জনা লোকৰ সংখ্যা মাত্ৰ ২৫ হাজাৰহে বুলি সমীক্ষাই দাঙি ধৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
