ভাৰতীয় টেলিভিচন জগতত গভীৰ শোক, মাথো ৩৫ বছৰ বয়সতে জীৱন নাট সামৰিলে নীতিনে
ভাৰতীয় টেলিভিচন জগতৰ অন্যতম জনপ্ৰিয় অভিনেতা নীতিন চৌহানৰ ফালৰ পৰা আহিছে এক অতিকে দুখজনক খবৰ। বৃহস্পতিবাৰে নিশা আত্মহত্যা কৰে অভিনেতাগৰাকীয়ে। বৰ্তমানলৈ মৃত্যুৰ কাৰণ জানিব পৰা হোৱা নাই অভিনেতাগৰাকীৰ।
মাথো ৩৫ বছৰ বয়সতে অভিনেতাগাৰকীয়ে এনে চৰম সিদ্ধান্ত লোৱাত স্তম্ভিত হৈ পৰিছে সহ অভিনেতা-অভিনেত্ৰী সকল। কোনো বন্ধুবৰ্গ তথা পৰিয়ালে নাজানে অবিনেতাগৰাকীৰ এনে চৰম সিদ্ধান্তৰ কাৰণ। আৰক্ষীয়ে তদন্ত অব্যাহত ৰাখিছে।
আজি শুকুৰবাৰে পুৱা নীতিনৰ সহ-অভিনেতাই সামাজিক মাধ্যমত এটা পোষ্টৰ জৰিয়তে এই দুখজনক খবৰ সদৰি কৰে। ৰিয়েলিটি অনুষ্ঠান দাদাগিৰি ২ৰ বিজেতা হোৱাৰ লগতে বিভিন্ন ধাৰাবাহিক আৰু ক্ৰাইম পেট্ৰ’লৰ জনপ্ৰিয় অভিনেতা আছিল নীতিন চৌহান।
উত্তৰ প্ৰদেশৰ আলিগড়ৰ নিবাসী নীতিনে কৰ্মসূত্ৰে মুম্বাইতে বা কৰি আছিল। আৰু কালি মুম্বাইৰ বাসগৃহতে আত্মহত্যা কৰে। দাদাগিৰি ছিজন ২ ত বিজীয়ী হৈ বহুখিনি জনপ্ৰিয়তা অৰ্জন কৰিছিল নীতিনে। পাছলৈ ‘জিন্দগী ডট কম’, ‘ক্ৰাইম পেট্ৰ’ল’, ‘ফ্ৰেণ্ডছ’, ‘তেৰা য়াৰ হু মে’ আদি ধাৰাবাহিকৰ জৰিয়তে অনুৰাগীৰ হৃদয় জয় কৰিছিল। কিন্তু ক্ৰাইম পেট্ৰলে দিছিল অভিনেতাগৰাকীক প্ৰকৃত পৰিচয়।
নীতিমৰ এনে এক সিদ্ধানৰ পাছতে পৰিয়ালৰ লোকক খবৰ কৰা হয়, লগতে আৰক্ষীকো খবৰ কৰা হয়। আৰক্ষীয়ে বৰ্তমানে মৰণোত্তৰ পৰীক্ষাৰ ব্যৱস্থা কৰিছে। লগতে ঘটনা সন্দৰ্ভত তদন্ত আৰম্ভ কৰিছে, কি কাৰণে নীতিনে তেনে এক সিদ্ধান্ত গ্ৰহণ কৰে, সেই বিষয়ে জানিবৰ বাবে পৰিয়াল আৰু বন্দু বৰ্গৰ মাজত সোধপোচ অব্যাহত ৰাখিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
