ভাৰতৰ ৩০শতাংশ মহিলাই ভোগে উচ্চ ৰক্তচাপত! সুস্থ থাকিবলৈ কি কি নিয়ম মানি চলিব?

হাইপাৰটেনছন বা উচ্চ ৰক্তচাপৰ সমস্যাই অসুবিধা দি আছে? এতিয়াৰ ব্যস্ত জীৱনযাপনত ইমানেই অনিয়ম হৈছে যে তেজত কলষ্টেৰলৰ মাত্ৰা বাঢ়িব ধৰিছে৷ ফলত দেখা দিছে ডায়বেটিছেও৷ ৰক্তচাপ এতিয়া প্ৰত্যেকঘৰৰেই সমস্যা৷ চিকিৎসকে জনাইছে যে ইয়াৰ কাৰণ কেৱল খোৱাবোৱাৰ অনিয়মেই নহয়, মানসিক চাপো আছে৷ অতিৰিক্ত উদ্বেগ, দুশ্চিন্তাৰ বাবেও শৰীৰত এই ৰোগ বাঢ়িছে৷ দ্যা লেনচেট মেডিকেল জাৰ্নেলৰ তথ্যই কৈছে যে ভাৰতীয় পুৰুষ আৰু নাৰীৰ এক তৃতীয়াংশই উচ্চ ৰক্তচাপত ভোগে৷ তাৰমাজত মহিলাৰ সংখ্যাই বেছি৷

২০১৯ চনত বিশ্বৰ বিভিন্ন দেশত এক সমীক্ষা চলোৱা হৈছিল৷ তাৰ ৰিপৰ্টত জনা গৈছে যে ভাৰতৰ ৩০শতাংশ মহিলা আৰু ৩২ শতাংশ পুৰুষ উচ্চ ৰক্তচাপ বা হাইপাৰটেনছনৰ চিকাৰ৷ আৰু সেই কাৰণতেই কম বয়সতেই হৃদৰোগৰ আশংকাও বাঢ়িছে৷ সাম্প্ৰতিক সময়ৰ তথ্যই কৈছে, দেশত এতিয়াও অন্তত ৩৫শতাংশ মহিলাই উচ্চ ৰক্তচাপত ভুগি আছে৷

হাইপাৰটেনছনে নিঃশব্দে শৰীৰত বাহ বান্ধে৷ লগতে আনুষঙ্গিক কিছু ব্যাধিও লগত লৈ আহে৷ সমীক্ষাই কৈছে যে ভাৰতত প্ৰতি তিনিজন প্ৰাপ্তবয়স্কৰ এজন উচ্চ ৰক্তচাপজনিত সমস্যাত আক্ৰান্ত৷ উচ্চ ৰক্তচাপজনিত কাৰণত মৃত্যুৰ সংখ্যাও ক্ৰমশ বাঢ়িছে৷ বিগত বছৰৰ সমীক্ষাৰ ৰিপৰ্টে কৈছে যে চহৰাঞ্চলত উচ্চ ৰক্তচাপত আক্ৰান্তৰ সংখ্যা বাঢ়ি হৈছে ৩৩.৮শতাংশ৷ প্ৰত্যন্ত অঞ্চলসমূহো পিছুৱাই থকা নাই৷ এতিয়াও অন্তত ২৭.৬শতাংশ মানুহ উচ্চ ৰক্তচাপৰ চিকাৰ৷

ৰক্তচাপজনিত সমস্যাক দুভাগত ভাগ কৰিব পাৰিব৷ এছেনচিয়েল বা প্ৰাইমাৰি আৰু ছেকেণ্ডাৰি৷ সমীক্ষাই কৈছে যে এছেনচিয়েল হাইপাৰটেনছনেই বেছি দেখা গৈছে৷ দ্বিতীয়টোৰ কাৰণক লৈ এতিয়াও গৱেষণা চলি আছে৷ ৰক্তচাপ ১৪০/৯০ উঠিলেই ৰক্তচাপত আক্ৰান্ত বুলি কোৱা হয়৷ যিকোনো সুস্থ ব্যক্তিৰ স্বাভাৱিক ৰক্তচাপ হোৱা উচিত ১২০/৮০৷ যদি কাৰোবাৰ ৰক্তচাপ ১৪০/৯০ৰ বেছি হয় তেতিয়া সেই ব্যক্তিৰ ৰক্তচাপ আছে বুলি ধৰা হয়৷ ভাৰতত হাৰ্ট এটেক আৰু ষ্ট্ৰোকৰ অন্যতম কাৰণেই হৈছে অনিয়ন্ত্ৰিত ৰক্তচাপ৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ