ইন্দোনেছিয়াৰ ২৬ বছৰ বয়সীয়া এজন যুৱকে ধুমধামেৰে আয়োজন কৰিছিল বিবাহৰ৷ বিবাহক লৈ সকলো সুখী৷ সকলো ৰীতি নীতি শেষ কৰি পত্নীৰ কাষ চাপোতেই যুৱকৰ মূৰত যেন সৰগ ভাঙি পৰিল৷ বিবাহৰ ১২ দিনৰ পাছত স্বামীয়ে গম পায় যে তেওঁ বিয়াপতা পত্নীগৰাকী মহিলা নহয় পুৰুষহে৷ ৰিপৰ্ট অনুসৰি যুৱকজনে মহিলাৰ ছদ্মনাম লৈ প্ৰেমত পৰিছিল ইন্দোনেছিয়ান যুৱকৰ৷ তাৰপিছতেই ধুনীয়া নাৰী দেখি ৰৈ নাথাকি বিয়া কৰাই সংসাৰ আৰম্ভ কৰে যুৱকে৷ বিবাহৰ পাছতহে ওলাই পৰে উৰহীৰ উৰ৷ প্ৰতাৰণাৰ বলী হৈ যুৱকে সংবাদ মাধ্যমৰ কাষ চাপিছে৷ কোনোৱে যাতে তেওঁৰ দৰে প্ৰতাৰণাৰ চিকাৰ নহয় তাৰবাবে সকলোকে সঁকীয়াই দিছে৷
যুৱকৰ সৈতে কেনেকৈ পৰিচয় হৈছিল ছদ্মবেশী নাৰী হোৱা সেই যুৱকৰ সেই কথাও জনাইছে যুৱকজনে৷ ঘটনাৰ আৰম্ভ হৈছিল সামাজিক মাধ্যমযোগেই৷ সামাজিক মাধ্যমতেই এজনে আনজনৰ সৈতে পৰিচিত হৈছিল৷ আদিন্দা কানজা নামৰ এটা একাউণ্টত এই ছদ্মবেশী পুৰুষ নাৰীক দেখা পাইছিল তেওঁ৷ সামাজিক মাধ্যমতেই বন্ধুত্ব গঢ়ি উঠাত আদিন্দা কানজাই জনাইছিল যে তেওঁ এগৰাকী মুছলমান নাৰী৷ ধৰ্মীয় নিয়ম মানি তেওঁ সকলোসময়তে ঐতিহ্যবাহী বোৰ্খা পৰিধান পৰে৷ নিকাব পিন্ধে৷
তেওঁলোকৰ সম্পৰ্ক ইমানেই গভীৰ হয় যে ২০২৪ চনৰ এপ্ৰিল মাহত বিবাহবন্ধনত আবদ্ধ হয়৷ বিবাহৰ পাছতো কানজাই পৰিয়ালৰ সৈতে যোগাযোগ কৰিবলৈ অস্বীকাৰ কৰে৷ শাৰীৰিক সম্পৰ্ক কৰিবলৈকো মান্তি নহয়৷ এই পৰিস্থিতিত বিবাহ কৰাই নিয়া যুৱকজনে সন্দেহ কৰি তেওঁ পত্নী সম্পৰ্কে আৰু আৰু তথ্য বিচাৰিবলৈ আৰম্ভ কৰে৷ অৱশেষত তেওঁ জানিব পাৰে যে কানজা প্ৰকৃততে এজন পুৰুষ৷ তেওঁ ২০২০ চনৰ পৰা নাৰীৰ বেশ ধৰি বহুতকে প্ৰতাৰণা কৰি আহিছে৷ এই ঘটনাৰ পাছতেই ইন্দোনেছিয়াৰ স্থানীয় বাসিন্দাসকলৰ মাজত ব্যাপক চাঞ্চল্যৰ সৃষ্টি হৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
