মেগা নিলামৰ পূৰ্বে ৩টা আচৰিত ধৰণৰ ৰিটেনচন, কোনেও আশা নকৰা সিদ্ধান্ত
ইণ্ডিয়ান প্ৰিমিয়াৰ লীগ (IPL) ২০২৫ ৰ বাবে ৰিটেনচন ঘোষণা। মেগা নিলামৰ পূৰ্বে সকলো ফ্ৰেঞ্চাইজিতে সৰ্বাধিক ছয়জন খেলুৱৈ ৰখাৰ অনুমতি দিয়া হৈছে। বৃহস্পতিবাৰে ডিফেণ্ডিং চেম্পিয়ন কলকাতা নাইট ৰাইডাৰ্ছ একমাত্ৰ দল যিয়ে ইয়াৰ সম্পূৰ্ণ সুবিধা গ্ৰহণ কৰে। ফলত দলটোৱে কোনো ৰাইট টু মেচ (আৰ টি এম) কাৰ্ড নোহোৱাকৈয়ে আই পি এল ২০২৫ৰ মেগা নিলামত প্ৰৱেশ কৰিব।
যদিও ৰিটেনচনৰ বাবে বহু ডাঙৰ খেলুৱৈক মুকলি কৰি দিয়াৰ আশা কৰা হৈছিল আৰু শেষত সেয়াই হৈছিল। কিন্তু ইয়াত কিছুমান নাম আছে, যিসকলক দলসমূহে ধৰি ৰখাৰ আশা কৰা হোৱা নাছিল, কিন্তু পিছত নিজ নিজ দলতে ৰাখে সেই খেলুৱৈক। যিসকল খেলুৱৈৰ ৰিটেনচনে আটাইতকৈ বেছি আচৰিত কৰিছিল, সেই সকল হৈছে-
ৰোহিত শৰ্মা
সকলোৱে ভৱিষ্যদ্বাণী কৰিছিল যে মুম্বাই ইণ্ডিয়ানছৰ সৈতে অধিনায়কত্বৰ পৰিৱৰ্তনৰ পিছত অহা ছিজনত ৰোহিত শৰ্মা দলত নাথাকিব আৰু হাৰ্দিক পাণ্ডিয়াকে পুনৰ অধিনায়কৰ পদ অৰ্পণ কৰা হ’ব। অৱশ্যে ৰোহিতে মুম্বাই ইণ্ডিয়ানছৰ হৈ খেলি থাকিবলৈ সিদ্ধান্ত লৈছে। ১৬.৩০ কোটি টকাৰ চুক্তিৰে আই পি এল ২০২৫ৰ পূৰ্বে তেওঁ ফ্ৰেঞ্চাইজিৰ চতুৰ্থটো ৰিটেনচন।
প্ৰভসিমৰন সিং
পঞ্জাৱ কিংছৰ ৰিটেনচন লিষ্ট আছিল আটাইতকৈ আচৰিত, কাৰণ তেওঁলোকে মাত্ৰ দুজন খেলুৱৈক ৰিটেনচন কৰিছিল। আমোদজনক কথাটো হ’ল দুয়োজনেই আনকেপড খেলুৱৈ। আৰ্শদীপ সিং আৰু ছেম কাৰানক ধৰি ৰখাৰ পৰিৱৰ্তে পঞ্জাবে আই পি এল ২০২৫ৰ বাবে প্ৰভচিমৰণ সিং আৰু শশাংক সিঙক বাছি লৈছিল। এই ৰিটেনচনৰ সম্ভাৱ্য কাৰণ হৈছে আই পি এল ২০২৪ত দুয়োজন খেলুৱৈৰ উৎকৃষ্ট প্ৰদৰ্শন।
শ্বাহৰুখ খান
ভুল নকৰিব এই শ্বাহৰুখ অভিনেতা নহয়। গুজৰাট দলৰ খেলুৱৈ। ২০২৪ চনৰ আই পি এলত মধ্যমীয়া প্ৰদৰ্শনৰ প্ৰতি লক্ষ্য ৰাখি শ্বাহৰুখ খানক ৰিটেনচন কৰিব বুলি আশা কৰা হোৱা নাছিল। ২০২৩ চনত গুজৰাটৰ দলটোৱে তেওঁক বৃহৎ পৰিমাণৰ ধন দি চুক্তিবদ্ধ কৰিছিল যদিও সেই বছৰ তেওঁ বিশেষ একো কৰিব নোৱাৰিলে। অৱশ্যে ইয়াৰ পিছতো ফ্ৰেঞ্চাইজিয়ে তেওঁৰ ওপৰত আস্থা প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
