ইজৰাইলৰ প্ৰধানমন্ত্ৰী বেঞ্জামিন নেতানিয়াহুৰ ধমকিৰ পাছতেই নিজৰ আকাশীপথ বন্ধ কৰিলে ইৰাণে৷ সামৰিক, বেছৰকাৰী কোনো বিমানেই উৰিব নোৱাৰিব ইৰাণৰ আকাশপথত৷ বৃহস্পতিবাৰে পুৱা পৰ্যন্ত এই নিষেধাজ্ঞা বাহাল থাকিব৷ বিগত ২৩ ছেপ্টেম্বৰত লেবাননৰ দক্ষিণ প্ৰান্তত ৰকেটেৰে আক্ৰমণ চলাইছে ইজৰাইলী সেনাই৷ ক্ষেপণাস্ত্ৰ আক্ৰমণত তছনছ লেবানন৷৷ মৃতকৰ সংখ্যা হুৰাহুৰে বৃদ্ধি পাইছে৷
২৭ ছেপ্টেম্বৰত লেবাননৰ ৰাজধানী বেৰুটৰ দক্ষিণ দাহিয়া এলেকাত ইজৰাইলী বিমান আক্ৰমণত প্ৰাণ হেৰুৱাইছে হিজবুল্লা প্ৰধান ছৈয়দ হাছান নাছৰাল্লাহে৷ তাৰপাছতেই উত্তেজনা আৰু কেইবাগুৰু বাঢ়ি গৈছে৷ নাছৰাল্লাৰ মৃত্যুৰ পাছতেই উলোটাই আক্ৰমণ কৰিছে ইৰাণে৷ মঙলবাৰে লেবাননত সোমাই যেতিয়া ইজৰাইলী ফৌজে আক্ৰমণৰ পৰিকল্পনা কৰে তেতিয়াই তেল আভিবত এটাৰ পাছত আনটো ক্ষেপণাস্ত্ৰ আক্ৰমণ কৰে ইৰাণি সেনাই৷ তেওঁলোকৰ দাবী প্ৰায় ২০০ টা ক্ষেপণাস্ত্ৰ আক্ৰমণ চলাইছে তেওঁলোকে৷ অৱশ্যে ইৰাণৰ এই আক্ৰমণ প্ৰতিহত কৰে ইজৰাইলী সেনাই৷
মঙলবাৰে নিশা মন্ত্ৰীসভাৰ জৰুৰী বৈঠকৰ আয়োজন কৰিছে নেতানিয়াহুৱে৷ তাৰপাছতেই ইৰানক ধমকি দি ইজৰাইলৰ প্ৰধানমন্ত্ৰীয়ে কয়, ‘ইৰানে আক্ৰমণ কৰি ঠিক কাম কৰা নাই৷ ইয়াৰ ফল ভুগিব লাগিব ইৰানে৷’ তেহৰানে উলোটাকৈ ধমকি দি কয়, ‘ইজৰাইলে যদি প্ৰতিশোধ লৈ আক্ৰমণ চলায় তেতিয়াহ’লে আমিও মনে মনে নাথাকিম৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
