যি দেশত হিজাব বাধ্যতামূলক সেই দেশৰেই বিশ্ববিদ্যালয়ত বিকিনি পিন্ধি ঘুৰি ফুৰিছে যুৱতী, ভিডিঅ’ ভাইৰেল
বোৰ্খা আৰু হিজাবৰ বিৰুদ্ধে ইছলামিক দেশতে প্ৰতিবাদ কৰিছে এগৰাকী যুৱতীয়ে। প্ৰতিবাদ নহয় যেন এক ক্ৰান্তিহে। ইৰাণত সংঘটিত হৈছে এই চাঞ্চল্যকৰ ঘটনা। এগৰাকী যুৱতীয়ে ইৰাণ বিশ্ববিদ্যালয়ৰ চৌহদত বোৰ্খা তথা হিজাবৰ বিৰুদ্ধে প্ৰতিবাদ কৰি বিকিনি পৰিধান কৰা প্ৰত্যক্ষ হয়।
যুৱতীগৰাকীয়ে বিকিনি পৰিধান কৰি বিশ্ববিদ্যালয়ৰ চৌহদত ঘুৰি ফুৰা দেখা পোৱা যায়। যি ঘটনাৰ পাছতে এতিয়া সমগ্ৰ বিশ্বজুৰি তোলপাৰ লগাইছে এই ঘটনাই। বহু লোকে যুৱতীগৰাকীক সমৰ্থন কৰাৰ লগতে বহু লোকেই ককৰ্থনা কৰিছে যুৱতীৰ কাণ্ড কাৰখানাক।
যি দেশত ইছলাম ধৰ্মীয় লোকৰ জনসংখ্যা অধিক, যি দেশত ইছলাম ধৰ্মৰ বিষয়ে অধিক কঠোৰ হোৱা দেখা যায়, সেই দেশৰ ৰাজধানী তেহৰানৰ এখন বিশ্ববিদ্যালয়ৰ চৌহদত দেখা পোৱা যায় বিকিনি পৰিহিতা যুৱতী।
তেহৰাণৰ এখন বিশ্ববিদ্যালয়ৰ চৌহদত কেৱল বিকিনি পিন্ধি খোজ কাঢ়ি থকা এগৰাকী যুৱতী এতিয়া চৰ্চাৰ বিষয় হৈ পৰিছে। যুৱতীগৰাকীয়ে এই কাণ্ড কৰাৰ পাচতে তাইক আৰক্ষীয়ে আটক কৰে। যুৱতীক গ্ৰেপ্তাৰ কৰাৰ পাছতে এতিয়া সমগ্ৰ বিশ্বৰ পৰা প্ৰতিক্ৰিয়াৰ সৃষ্টি হৈছে।
২ নৱেম্বৰ শনিবাৰে তেহৰাণৰ বিজ্ঞান আৰু গৱেষণা বিশ্ববিদ্যালয়ত সংঘটিত হোৱা এই ঘটনাক দেশৰ মহিলাসকলৰ বাবে কঠোৰ ইছলামিক সাজ-পোছাকৰ বিৰুদ্ধে বিদ্ৰোহ বুলিও কোৱা হৈছে। আনহাতে যুৱতীগৰাকীয়ে শৰীৰৰ পৰা কাপোৰ আঁতৰোৱাৰ কাৰণ বিশ্ববিদ্যালয়ৰ ড্ৰেছ কোড হব পাৰে বুলিও কোৱা হৈছে।
প্ৰকাশিত বাতৰি অনুসৰি ইৰাণৰ ছাত্ৰ ছ’চিয়েল মিডিয়া চেনেল আমিৰ কবীৰ নিউজলেটাৰে জনোৱা মতে, কেম্পাছত ইৰাণৰ মৰেল আৰক্ষীয়ে যুৱতীগৰাকীক হাৰাশাস্তি কৰিছিল আৰু কাপোৰ টানিছিল, যাৰ বাবেই যুৱতীগৰাকীয়ে শৰীৰৰ পৰা কাপোৰ খুলি দিছিল।
বিশ্ববিদ্যালয়খনৰ দাবী, ড্ৰেছ কোডক লৈ নৈতিক আৰক্ষীৰ সদস্যৰ সৈতে হোৱা কথা-বতৰাৰ পিছতে ছাত্ৰীগৰাকীয়ে কাপোৰ খুলিছিল। বিশ্ববিদ্যালয়খনেও কয় যে ছোৱালীজনী মানসিকভাৱে সুস্থ নহয়।
উল্লেখ্য যে, ইৰাণৰ কঠোৰ ইছলামিক আইন অনুসৰি দেশখনৰ মহিলাসকলে ৰাজহুৱা স্থানত হিজাব পৰিধান কৰিব লাগিব। হিজাব অবিহনে ঘৰৰ বাহিৰ হব নোৱাৰে। এই আইনসমূহ দেশৰ নৈতিক আৰক্ষীয়ে বলবৎ কৰে আৰু উলংঘা কৰিলেও ইয়াৰ শাস্তিৰ বিধান আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
