ডিজিটেল ডেস্কঃ মদৰ গিলাচ মূৰত লৈ ববী দেউলে হিন্দী ছবি ‘এনিমেল’ত কৰা Jamal Kudu ডান্সটো হয়তো আপুনি চাইছে। ববী দেউলৰ এই নৃত্যুটো ভাইৰেল হোৱাৰ পাছতে দেশ-বিদেশৰ বহুলোকে সেই একে ভংগীমাৰেই কোটি কোটি ৰীলছ নিৰ্মাণ কৰিছিল। এই Jamal Kudu ডান্স কৰিবলৈ গৈয়ে শেহতীয়াকৈ প্ৰাণ গল ৪গৰাকীকৈ লোকৰ।
ৰাষ্ট্ৰীয় সংবাদ মাধ্যমত প্ৰকাশিত খবৰ অনুসৰি, এখন গাড়ীত ৪গৰাকী বন্ধুয়ে মদৰ ৰাগীত মাতাল হৈ গাড়ী চলি থাকোতেই Jamal Kudu গানটোত বনাইছিল ৰীলছ। ৰীলছত মচগুল হৈ গাড়ীৰ চালকগৰাকীয়ে পথৰ কাষেৰে গৈ থকা এগৰাকী বৃদ্ধা আৰু এটি কণমাণিক মহতিয়াই লৈ যায়। প্ৰচণ্ড গতিত থকা গাড়ীখনে এজোপা গছত খুন্দা মাৰিগৈ।
এই দুৰ্ঘটনাত বৃদ্ধা আৰু কণমাণিজনী থিতাতে মৃত্যু হোৱাৰ লগতে হস্পাতালত মৃত্যু হয় গাড়ীখনত থকা দুগৰাকীকৈ যুৱক। ৰাজস্থানত জেছলমাৰত সংঘটিত হোৱা এই ঘটনাটো শুকুৰবাৰে নিশা প্ৰায় ৮.৩-বজাত সংঘটিত হোৱা বুলি আৰক্ষীয়ে সদৰি কৰিছে।
আৰক্ষীয়ে জনোৱা মতে, মদৰ নিচাত মাতাল হৈ থকা যুৱককেইগৰাকীক আৰক্ষীয়ে চেকিং পোষ্টত বাধা দিছিল যদিও প্ৰচণ্ড গতিৰে আৰক্ষীৰ চকুত ধূলি দি আহিছিল গাড়ীখন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
