মাত্ৰ ৬০ টকা এদিনৰ ৰুম ভাড়া, নিশা কটাবলৈ কেৱল মানিব লাগিব আপুনি এই চৰ্ত

এই জাপানৰেই এই বিশেষ চহৰৰ নাম হৈছে ফুকুয়োকায়৷ আৰু ইয়াতেই আছে আছি ৰোওকান নামৰ এই বিশেষ হোটেল৷ তাতেই খুবেই সস্তাত ৰুম ভাড়ালৈ দিয়া হয়৷ সস্তাতেই ঘৰ দিছে বুলি ঘৰৰ অৱস্থা বেয়া বুলি নাভাৱিব৷ জাপানী কয়দাৰে সুসজ্জিত সেই ঘৰত আছে বিছনা, টিভি, সৰু কফি টেবুলকে ধৰি প্ৰয়োজনীয় সকলো আচবাবেই৷

অৱশ্যে এই হোটেলত থাকিবলৈ হ’লে যি চৰ্ত মানিব লাগিব সেয়া কিন্তু সহজো নহয়৷ হোটেলৰ ৰুমটো ২৪ ঘণ্টাই কেমেৰাৰ আওঁতাত থাকে৷ সেয়ে সকলো অতিথিয়েই কেমেৰাৰ আওঁতাতেই থাকে৷ হোটেলত যিমান সময় অতিথিসকল থাকিব তেওঁলোকৰ সকলো কাৰ্যকলাপেই লাইভ ষ্ট্ৰিমিং হৈ থাকিব৷ হোটেলখনৰ নিজস্ব এটা ইউটিউব চেনেসৰ নাম ৱান ডলাৰ হোটেল৷ হোটেলখনৰ ভাড়া নামমাত্ৰ ৰখাৰ কাৰণ হৈছে ইউটিউব লাইভষ্ট্ৰিমৰ পৰা অহা অৰ্থৰে নিজৰ উপাৰ্জন কৰে হোটেল কৰ্তৃপক্ষই৷

২৭ বছৰৰ তৰুণ ইউটিউবাৰ টেটুছুয়া ইনয়ুয়ে এই হোটেল চোৱাচিতা কৰে৷ কিন্তু এই হোটেলৰ মালিক তেওঁৰ আইতাক৷ ইউটিউব চেনেলটোৰ মালিক টেটুছুয়া৷ আছি ৰোওকানৰ পৰিচালনাৰ ভাৰ যেতিয়া তৃতীয় প্ৰজন্মৰ হাতলৈ আহে তেতিয়া নতুন কিছু উপায়েৰে ব্যৱসায়ত উন্নতি কৰিব খুজিছে টেটুছুয়াই৷

ইণ্টাৰনেট ব্যৱহাৰ কৰি নতুন দৰ্শক আৰু নতুন আয়ৰ উৎস তৈয়াৰ কৰাৰ পৰিকল্পনা কৰিছিল ২০১৯ চনত৷ এক ব্ৰিটিছ পৰ্যটকে এই হোটেলত থকাৰ সময়ত লাইভষ্ট্ৰিম কৰাৰ পাছত জাপানি যুৱকৰ মূৰলৈ আহে এই বিষয়টো৷ আছি ৰোওকানলৈ অহা অতিথিৰ ওচৰত তেওঁ প্ৰস্তাৱ ৰাখে যে যদি তেওঁলোকে লাইভষ্ট্ৰিম কৰাত সন্মতি প্ৰদান কৰে তেন্তে মাত্ৰ ১০০ ইয়েন ভাৰা দিয়েই এই হোটেলত সময় কটাব পাৰিব৷

ঘৰটোত লগোৱা আছে একাধিক কেমেৰা৷ সেই কেমেৰাত উঠা দৃশ্য লাইভষ্ট্ৰিম হৈ থাকে বিশেষ ইউটিউব চেনেলত৷ অৱশ্যে ঘৰৰ বাথৰুমৰ অংশ কেমেৰাৰ বাহিৰত আছে বুলি জনাইছে হোটেল কৰ্তৃপক্ষই৷ অতিথিসকলৰ কথোপকথন আৰু ফোনালাপ ৰেকৰ্ড কৰা নহয়৷ কেৱল ভিডিঅ’সমূহ সম্প্ৰচাৰ কৰা হয়৷ এই কথা জনাইছে হোটেল কৰ্তৃপক্ষই৷

অতিথিসকলে পোহৰৰ ব্যৱস্থা অন অফ নিজ ইচ্ছাৰেই কৰিব পাৰে৷ অতিথিসকলৰ ব্যক্তিগত নথি যেনে পাছপোৰ্ট আৰু ক্ৰেডিট কাৰ্ডৰ তথ্য কেমেৰাৰ সম্মুখত অনা নহয়৷ লাইভ ষ্ট্ৰিমিঙৰ সময়ত নগ্নতা কঠোৰভাৱে নিষিদ্ধ৷ ইয়াৰোপৰি কোনোধৰণেই লাইভৰ কেমেৰাও বন্ধ কৰিব নোৱাৰিব৷ সেয়ে সেই হোটেলত থাকোতে নগ্নতা একেবাৰেই নিষিদ্ধ৷