সেই তাহানিতে মহাপুৰুষ শ্ৰীমন্ত শংকৰদেৱ ‘কুকুৰ শৃগাল গদ্দৰ্ভৰো আত্মাৰাম!’ বুলি লিখি কুকুৰ, শিয়াল, গৰ্দ্দভৰো আত্মা থকা বুলি কৈ সকলোকে সমদৃষ্টিৰে চাবলৈ মানুহক আহ্বান জনাইছিল৷ এয়া আজিৰ পৰা প্ৰায় ৬/৭ শতিকাৰ আগৰ কথা৷
কিন্তু আধুনিক বিশ্বত শিয়াল আৰু গদ্দৰ্ভক মানুহে বিশেষ স্নেহ দৃষ্টিৰে নাচালেও কুকুৰৰ প্ৰতি মানুহৰ দৃষ্টিভংগী যথেষ্ট সলনি হৈছে৷ বিশেষকৈ উন্নত জাতৰ অৰ্থাৎ বৰ্ণ শংকৰ জাতৰ কুকুৰৰ সৈতে আধুনিক বিশ্বৰ আঢ্যৱন্ত আৰু মধ্যবিত্ত মানুহৰ এক পাৰিবাৰিক সম্পৰ্কৰ সৃষ্টি হোৱা দেখা গৈছে৷
মানুহ আৰু উন্নত জাতৰ কুকুৰৰ সৈতে মানুহৰ এই পাৰিবাৰিক সম্পৰ্ক সৃষ্টি হোৱাৰ সময়তে এতিয়া মানুহ আৰু কুকুৰ কেন্দ্ৰিক এক অতি চিত্তাকৰ্ষক বাতৰিয়ে আন্তঃৰাষ্ট্ৰীয় সংবাদ মাধ্যমত চৰ্চা লাভ কৰিছে৷ এই বাতৰি লাভ কৰি বিশ্বৰ বহু লোক স্তম্ভিত হোৱাও দেখা গৈছে৷
লগতে পঢ়ক সন্ত্ৰাসবাদীক ধনৰ যোগান! কাশ্মীৰী বিচ্ছিন্নতাবাদী ইয়াছিন মালিকক যাৱজ্জীৱন কাৰাদণ্ড
প্ৰকাশিত খবৰ মতে এজন জাপানী যুৱকে প্ৰায় ১২ লাখ টকা ব্যয় কৰি নিজকে কুকুৰলৈ ৰূপান্তৰ কৰি তুলিছে৷ ইন্টাৰনেটৰ মাধ্যমৰে এই বাতৰি লাভ কৰি এতিয়া বিশ্ববাসী স্তম্ভিত হোৱাৰ লগতে বিভিন্ন প্ৰতিক্ৰিয়াও প্ৰকাশ কৰিছে৷
প্ৰকাশিত বাতৰিৰ মতে টুকো নামৰ জাপানৰ উক্ত যুৱকজনৰ নিজকে পশুৰ দৰে সজাই পৰাই তোলাৰ দীৰ্ঘদিনীয়া সপোন আছিল৷ সেই সপোন বাস্তৱায়িত কৰিবলৈকে যুৱকজনে ১২ লাখ টকা ব্যয় কৰি নিজকে এটা কুকুৰৰ ৰূপ দিছে৷
যুৱকজনে টুকো এভি নামৰ টুইটাৰ হেণ্ডলত এটা ভিডিঅ’ শ্বেয়াৰ কৰি লিখিছে যে তেওঁ আজীৱন দেখি থকা এটা সপোন পূৰণ কৰি ‘collie’লৈ ৰূপান্তৰ কৰি তুলিছে৷
লগতে পঢ়ক যুৱক-যুৱতীসকলৰ মাজত পাইলছৰ সমস্যা বাঢ়িছে কিয়? ইয়াৰ সমাধান কি?
জেপেট’ নামৰ এটা পেছাদাৰী সংস্থাই যুৱকজনক এই ৰূপ দিয়া বুলিও কোৱা হৈছে৷ আচলতে যুৱকজনক কোনো অস্ত্ৰোপচাৰৰ দ্বাৰা কুকুৰলৈ ৰূপান্তৰ কৰা হোৱা নাই৷ সংস্থাটোৱে যুৱকজনৰ বাবে এটা কুকুৰৰ আকৃতিৰে অতি ব্যয়বহুল এক পোছাকহে প্ৰস্তুত কৰি উলিয়াইছে৷
স্থানীয় জাপানী সংবাদ মাধ্যম news.mynaviৰ মতে জেপেট’ নামৰ সংস্থাটোৱে চিনেমা, বিজ্ঞাপন, বিনোদনৰ সুবিধাৰ বাবে বৃহৎ সংখ্যক ভাস্কৰ্য্য প্ৰদান কৰে আৰু লগতে টিভিত দেখা পোৱা সাজ-পোছাক আৰু জাপানৰ বিখ্যাত মাস্কট’ চৰিত্ৰৰ সাজ-পোছাকো প্ৰস্তুত কৰে। সংস্থাটোৱে যুৱকজনৰ এই গোটেই সাজ-পোছাকটো প্ৰস্তুত কৰোতে ১২ লাখ (২০ লাখ য়েন)তকৈ অধিক খৰচ হোৱাৰ লগতে ৪০ দিন সময় লাগিছিল।
লগতে পঢ়ক খঙত টিঙিৰি-তুলা চীন! চাৰিও পিনৰ পৰা চীনক চেপি ধৰিছে চাৰি ৰাষ্ট্ৰৰ QUADএ!
টুকোৱে news.mynaviandৰে হোৱা এক সাক্ষাৎকাৰত সোধা এক প্ৰশ্নৰ উত্তৰত কয়, “মই ইয়াক ‘collie’ বনাইছো, কাৰণ ই মোৰ ৰুচি আৰু এই সাজ-পোছাক পিন্ধিলে ইয়াক বাস্তৱিকৰূপত দেখা যায়। মৰমলগা জীৱ-জন্তুবোৰ মোৰ প্ৰিয়। তাৰ ভিতৰত মই ভাবিলো যে মই এটা ডাঙৰ জন্তুক বাছনি কৰিলে ভাল হ’ব, গতিকে মই কুকুৰ বনাবলৈ সিদ্ধান্ত ললো।’’
সাক্ষাৎকাৰ গ্ৰহণকাৰীয়ে তেওঁক সুধিছিল যে তেওঁ নিজৰ অংগ-প্ৰত্যংগসমূহ মুক্তভাৱে চলাব পাৰিব নেকি? ইয়াৰ উত্তৰত তেওঁ কয়, “নিষেধাজ্ঞা আছে, কিন্তু আপুনি ইয়াক লৰচৰ কৰিব পাৰে। অৱশ্যে বেছিকৈ লৰচৰ কৰিলে কুকুৰৰ দৰে দেখা নাযাব।”
আনকি টুকোৰ নিজা ইউটিউব চেনেল আছে য’ত এটা ভিডিঅ’ত তেওঁক কুকুৰৰ অংগী ভংগী কৰি থকা দেখা গৈছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
