প্ৰেমিকাৰ পৰা ৰেহাই পাবৰ বাবেই প্ৰেমিকে সংঘটিত কৰে শিহৰণকাৰী ঘটনা, দেশজুৰি চাঞ্চল্য
লিভ-ইনত আছিল এহাল প্ৰেমিক-প্ৰেমিকা। কিন্তু মনোমালিন্য হৈ প্ৰেমিকে প্ৰেমিকাৰ পৰা ৰেহাই পাবৰ বাবে কৰিলে অতিকে ভয়ংকৰ কাণ্ড। ছাগলী-মুৰ্গী কটাৰ দৰে কাটিলে প্ৰেমিকাৰ মৃতদেহ। মুঠ ৫০ টুকুৰা কৰি পেলালে প্ৰেমিকাৰ।
এই শিহৰণকাৰী ঘটনা সংঘটিত হৈছে ঝাৰখণ্ডত। আজি চতুৰ্থবাৰৰ বাবে মুখ্যমন্ত্ৰী হিচাপে শপত পাঠ লোৱাৰ সময়তে পোহৰলৈ আহে ভয়ংকৰ ঘটনা। ঝাৰখণ্ডৰ খুঁটি জিলাত এজন ২৫ বছৰীয়া যুৱকে হত্যা কৰে প্ৰেমিকাক। পেছাত কচাই হিচাপে কাম কৰে যুৱকে। যাৰ বাবে প্ৰেমিকাৰ শৰীৰ কাটিবলৈ অকনো কুণ্ঠাবোধ নকৰে প্ৰেমিকে।
ঘটনা সন্দৰ্ভত জানিব পৰা অনুসৰি, হত্যাৰ পূৰ্বে অভিযুক্তই প্ৰেমিকাক ধৰ্ষণ কৰিছিল। পিছত দোপাত্তাৰে ডিঙি চেপি হত্যা কৰি মৃতদেহটো ৫০ টুকুৰা কৰি কাটি পেলাইছিল। ইয়াৰ পিছত যাতে মহিলাগৰাকীক চিনাক্ত কৰিব পৰা নাযায়, তাৰ বাবে অভিযুক্তই মৃতদেহৰ টুকুৰাবোৰ হাবিত বিভিন্ন ঠাইত পেলাই দিছিল।
অভিযুক্তই নিশ্চিত আছিল যে বনৰীয়া জন্তুৱে টুকুৰাবোৰ খাব, যাৰ বাবে মহিলাগৰাকীৰ হত্যাৰ ৰহস্য কেতিয়াও প্ৰকাশ নহ’ব। কিন্তু টুকুৰাবোৰ পেলোৱাৰ ১৫ দিনৰ পাছত এটা কুকুৰে এই হত্যাকাণ্ডৰ ৰহস্য উদঙাই দিয়ে।
এই কুকুৰটোৱে এখন গাঁৱৰ ওচৰত মৃতদেহৰ টুকুৰা এটা মুখত লৈ গৈছিল। ইয়াৰ পিছতে গাঁৱৰ ৰাইজে জড়িয়গড় আৰক্ষীক খবৰ দিয়ে। ২৪ নৱেম্বৰত যেতিয়া আৰক্ষীয়ে ওচৰতে হাবিত তালাচী চলাই তেতিয়া শৰীৰৰ আন টুকুৰাও উদ্ধাৰ হয়।
আৰক্ষীয়ে এটা বেগো উদ্ধাৰ কৰে, য’ৰ পৰা মহিলাগৰাকীক চিনাক্ত কৰা হয়। আৰক্ষীয়ে মহিলাগৰাকীৰ মাতৃৰ কাষতো উপস্থিত হৈ বেগটো নিশ্চিত কৰে। ইয়াৰ পিছতে আৰক্ষীয়ে অভিযুক্ত নৰেশ ভেংৰাৰ ওচৰ পায়গৈ।
ঝাৰখণ্ড আৰক্ষীয়ে জনোৱা মতে, ২৪ বছৰীয়া মহিলাগৰাকী ৰাঞ্চিৰ বাসিন্দা আছিল। নৰেশৰ লগত তাইৰ প্ৰেমৰ সম্পৰ্ক আৰম্ভ হৈছিল। ইয়াৰ পিছত দুয়োজনে ইভ-ইনত থাকিবলৈ আৰম্ভ কৰিলে। কিন্তু নৰেশে প্ৰেমিকাক এৰি আন এগৰাকী মহিলাক বিয়া কৰায়। সেয়ে প্ৰেয়সীৰ পৰা মুক্তি পাব বিচাৰিছিল।
পূৰ্ব পৰিকল্পিত অনুসৰি অভিযুক্তই মহিলাগৰাকীক প্ৰলোভিত কৰি হাবিলৈ লৈ যায়। প্ৰথমে মহিলাগৰাকীক ধৰ্ষণ কৰি তাৰ পিছত হত্যা কৰে, পিছত মৃতদেহটো টুকুৰা টুকুৰকৈ কাটি পেলায়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
