নেটমাধ্যমেই হওক বা বিটাউন, সৰ্বত্ৰতে এতিয়া এটাই চৰ্চা৷ আম্বানীৰ সৰু পুত্ৰৰ বিয়া৷ মুকেশ আম্বানীৰ কনিষ্ঠ পুত্ৰ অনন্ত আম্বানী আৰু ৰাধিকা মাৰ্চেণ্টৰ বিয়ালৈ মাজত বেছি দিন নাই৷ আগন্তুক ১২ জুলাইত আয়োজিত হ’ব এই বহু চৰ্চিত বিয়াখন৷ ইতিমধ্যেই কাশী বিশ্বনাথ মন্দিৰত গৈ প্ৰথমখন নিমন্ত্ৰণীপত্ৰ মহাদেৱক উৎসৰ্গা কৰিছে মুকেশ আম্বানীৰ পত্নী নীতা আম্বানীয়ে৷ কাশী বিশ্বনাথত বিয়াৰ চিঠি দিয়াৰ পাছতেই নিমন্ত্ৰণীপত্ৰ প্ৰেৰণৰ কাম আৰম্ভ কৰিছে আম্বানী পৰিয়ালে৷
সামাজিক মাধ্যমত অনন্ত-ৰাধিকাৰ বিয়াৰ নিমন্ত্ৰণীপত্ৰখন ভাইৰেলো হৈছে৷ এই বিয়াৰ কাৰ্ড কিন্তু অন্য বিবাহৰ কাৰ্ডৰ দৰে নহয়৷ নিমন্ত্ৰণীপত্ৰখন একেবাৰেই পৃথক৷ এই চিঠি দেখি চকু কঁপালত উঠিছে এতিয়া নেটিজেনৰ৷ বিশেষ চিঠিখন তৈয়াৰ কৰা হৈছে ৰূপেৰে৷
https://x.com/dealztrendz/status/1806029761363538081
ভাইৰেল ভিডিঅ’ত দেখা দিছে ৰঙা ৰঙৰ এটা সৰু আলমাৰিৰ ভিতৰত এটা ৰূপৰ মন্দিৰ৷ আলমাৰি খুলিলেই জ্বলি উছিথে এল ই ডি লাইট৷ লাইটৰ পোহৰত ৰূপৰ মন্দিৰটো জিলিকি উঠে৷ মন্দিৰৰ এটা এটা কক্ষত আছে বিষ্ণু, ৰাধাকৃষ্ণ, দূৰ্গা আৰু গণেশৰ মূৰ্তি৷ মন্দিৰৰ ছাদ সজোৱা হৈছে সৰু সৰু ৰূপৰ ঘণ্টাৰে৷ মন্দিৰৰ সৈতে ৰূপৰ বাকছৰ ভিতৰত আছে বিয়াৰ কাৰ্ড৷ ইয়াৰ সৈতে আছে আন এক ৰূপৰ বক্স৷ বক্সৰ ভিতৰত আছে কেইবাজনো দেৱতাৰ সোণৰ মূৰ্তি৷ অনন্ত ৰাধিকাৰ নাম লিখা এখন মছলিনৰ কাপোৰ৷ অনন্ত ৰাধিকাৰ বিয়াৰ নিমন্ত্ৰণপত্ৰ এখন তাৰ ভিতৰতো আছে৷
সৰুৰে পৰাই পৰস্পৰক চিনি পাই ৰাধিকা অনন্তই৷ ভাল বন্ধু ৰাধিকাৰ সৈতেই বিয়াত বহিবলৈ সাঁজু হৈছে অনন্ত৷ নিউয়ৰ্কৰ পৰা অৰ্থনীতি বিষয়ত ডিগ্ৰীধাৰী ৰাধিকা৷ ইয়াৰোপৰি ধ্ৰুপদী নৃত্যশিল্পী হিচাপেও তেওঁ জনপ্ৰিয়৷ ৰাধিকা নৃত্যৰ বাবেই শাহুৱেকৰ আৰু অলপ প্ৰিয়৷ কাৰণ নীতা আম্বানীও এগৰাকী ভাল নৃত্যশিল্পী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
