অসম লাইভ২৪ঃ জাপানত ছুটী কটাবলৈ গৈছিল তেলেগু অভিনেতা জুনিয়ৰ এন টি আৰে। নৱবৰ্ষৰ দিনাই জাপানলৈ গৈছিল অভিনেতাজন। হঠাতেই অঘটন। প্ৰৱল ভূমিকম্পত কঁপি উঠিল দ্বীপৰাষ্ট্ৰ জাপান। মুহূৰ্ততেই সকলোবোৰ তছনছ। নৱবৰ্ষ পালন কৰিবলৈ গৈ মৃত্যুক চকুৰ সন্মুখৰ পৰাই দেখিলে দক্ষিণী জনপ্ৰিয় অভিনেতা জুনিয়ৰ এন টি আৰে। জুনিয়ৰ এন টি আৰ তাত থকাৰ কথা শুনা মাত্ৰকেই কঁপি উঠিছিল বহুতৰে মন। শেহতীয়াকৈ ভক্তসকলক আশ্বস্ত কৰিলে অভিনেতা এন টি আৰে। নিজৰ এক্স হেণ্ডেলযোগে সুস্থ আৰু সুৰক্ষিত থকাৰ কথা জনাইছে জুনিয়ৰ এন টি আৰে।
জাপানৰ আকস্মিক প্ৰাকৃতিক বিপৰ্যয়ক লৈ দুখঃপ্ৰকাশ কৰিছে জুনিয়ৰ এন টি আৰে। নতুন বছৰৰ আৰম্ভণিতেই অহা ভূমিকম্পই আঘাত হানিছে জাপানক। বৰ্তমান পৰ্যন্ত ২০ জনৰ মৃত্যু হোৱাৰ খবৰ আহি পৰিছে। দেশত ছুনামীৰ সতৰ্কতা জাৰি হোৱাৰ পাছতেই বেছিভাগ মানুহকেই সুৰক্ষিত স্থানলৈ লৈ যোৱা হৈছে। বছৰটোত কেইবাবাৰো পৰিয়ালৰ সৈতে ছুটী কটাবলৈ বিদেশলৈ যাত্ৰা কৰে জুনিয়ৰ এন টি আৰ। ডিচেম্বৰৰ শেষৰ ফাৰে পত্নী লক্ষ্মী প্ৰণতি আৰু দুই সন্তান অভয়, ভাৰ্গৱক লৈ জাপানলৈ গৈছিল জুনিয়ৰ এন টি আৰ।
খ্ৰিষ্টমাছ আৰু নতুন বছৰৰ আৰম্ভণিও তাতেই কৰিছে অভিনেতাজনে। কিন্তু হঠাতেই জাপানত অঘটন। বিগত ২৪ ঘণ্টাত ১৫৫বাৰ কঁপি উঠিছে জাপান। বিধ্বস্ত জাপানৰ পৰা খৰতকীয়াকৈ অভিনেতাজন দেশলৈ ঘূৰি আহিছে। আহিয়েই এক্স হেণ্ডেলত শ্বেয়াৰ কৰিছে বিশেষ পোষ্ট, ‘জাপানৰ পৰা উভতি আহিলো। হঠাৎ অহা বৰভূঁইকঁপৰ বাবে আমিও মৰ্মাহত। বিগত এসপ্তাহ মই জাপানত আছিলো। ক্ষতিগ্ৰস্থসকলৰ কথা ভাৱি ভীষণ কষ্ট পাইছো। জাপানৰ মানুহ অত্যন্ত সহনশীল আৰু কৰ্তব্যপৰায়ণ। আশা কৰিছো তেওঁলোকক খুব দ্ৰুততৰভাৱে উদ্ধাৰ কৰক। জাপানবাসীৰ ওচৰত মোৰ এইটোৱে আৱেদন যে, মন ভাঙি নেপেলাব। সকলো পৰিস্থিতিতই মনক শান্ত কৰি ৰাখিহে আগবাঢ়ক।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
