অৱশেষত সত্য প্ৰকাশ জাষ্টিন ট্ৰুড’ ৰ, নিজ্জৰ ঘটনাৰ সঠিত প্ৰমাণ দিয়া নাছিল ভাৰতৰ হাতত
কানাডাৰ প্ৰধানমন্ত্ৰী জাষ্টিন ট্ৰুডোৱে বাৰে বাৰে পুনৰ কয় যে খালিস্তানী সন্ত্ৰাসবাদী হৰদীপ সিং নিজ্জাৰৰ হত্যাকাণ্ডত ভাৰত চৰকাৰৰ এজেণ্ট জড়িত আছিল। ট্ৰুডোৰ এই অভিযোগৰ বাবেই ভাৰত আৰু কানাডাৰ সম্পর্ক সম্প্ৰতি এক উত্তেজনাৰ সময়ছোৱাৰ মাজেৰে পাৰ হৈ আছে।
কানাডাই ভাৰতৰ ওপৰত এই হত্যাকাণ্ডৰ অভিযোগ উত্থাপন কৰিছিল, যাৰ বাবে দুয়োখন দেশৰ মাজত সংঘাতৰ কাৰণ হৈ পৰিছিল যদিও প্ৰথম অৱস্থাত এই সন্দৰ্ভত কোনো সুনিৰ্দিষ্ট প্ৰমাণ নাছিল। বিদেশী হস্তক্ষেপ আয়োগৰ সন্মুখত দিয়া সাক্ষ্যতত ট্ৰুডোৱে নিজেই স্বীকাৰ কৰিছে যে যেতিয়া তেওঁ প্ৰথমে এই বিষয়টো উত্থাপন কৰিছিল তেতিয়া কানাডাৰ চৰকাৰৰ হাতত ভাৰতৰ বিৰুদ্ধে শক্তিশালী প্ৰমাণ নাছিল।
জাষ্টিন ট্ৰুডোৱে আয়োগৰ সন্মুখত স্বীকাৰ কৰে যে নিজ্জাৰ হত্যাকাণ্ডৰ গোচৰত তেওঁৰ চৰকাৰে ভাৰতক কোনো সুনিৰ্দিষ্ট প্ৰমাণ প্ৰদান কৰা নাই। ইয়াৰ কাৰণ ব্যাখ্যা কৰি তেওঁ কয় যে আমি ভাৰতক কৈছিলো যে আমি এই বিষয়ত আপোনাৰ সহযোগিতা বিচাৰো, গতিকে যেতিয়া তেওঁলোকে প্ৰমাণ বিচাৰিছিল, সেই সময়ত প্ৰমাণ ভাৰতক দিয়া হোৱা নাছিল, কেৱল গোচৰৰ সৈতে জড়িত তথ্যহে শ্বেয়াৰ কৰা হৈছিল।
ট্ৰুডোৱে কয় যে যোৱা বছৰ জি-২০ অধিৱেশনৰ পিছত মই প্ৰধানমন্ত্ৰী নৰেন্দ্ৰ মোদীৰ সৈতে কথা পাতিছিলো। আমি তেতিয়া এই বিষয়টো উত্থাপন কৰি ভাৰতক লজ্জিত কৰাৰ সুযোগ পাইছিলোঁ, কিন্তু আমি তেনে নকৰিলোঁ৷ মই প্ৰধানমন্ত্ৰী মোডীক ক’লো যে আমি জানো যে এই বিষয়ত ভাৰত চৰকাৰ জড়িত।
এই সন্দৰ্ভত ট্ৰুডোই কয় যে কানাডাত এনে লোক আছে যিয়ে নিজৰ চৰকাৰৰ বিৰুদ্ধে মাত মাতিছে আৰু প্ৰতিবাদকাৰীসকলে বিচাৰে যে সঠিক প্ৰমাণৰ সৈতে অপৰাধীক গ্ৰেপ্তাৰ কৰা হওক।
ট্ৰুডোৱে লগতে ইয়াকো কয় যে ভাৰতীয় সংবাদ মাধ্যমে ধাৰাবাহিকভাৱে কানাডা আৰু কানাডিয়ানসকলক লক্ষ্য কৰি লৈছিল। এনে পৰিস্থিতিত ছেপ্টেম্বৰ মাহত অৱশেষত কানাডা চৰাকৰে আগবাঢ়ি আহি সেই সকলোবোৰ ক’বলগীয়া হয়৷কানাডা চৰকাৰে বিচাৰিছিল যে কানাডাৰ জনসাধাৰণে এই বিষয়ত কানাডা চৰকাৰৰ কাৰ্যক বিশ্বাস ৰাখক।
উল্লেখ্য যে, যোৱা কেইমাহমানৰ পৰা কানাডা আৰু ভাৰতৰ সম্পৰ্কত উত্তেজনা সৃষ্টি হৈছে। খালিস্তানী সন্ত্ৰাসবাদী হৰদীপ নিজ্জাৰৰ হত্যাকাণ্ডত ভাৰত জড়িত থকাৰ অভিযোগ কানাডা চৰকাৰে উত্থাপন কৰাৰ বাবেই দুয়োখন দেশৰ সম্পৰ্কৰ অৱনতি ঘটিছে। ২০২৩ চনৰ জুন মাহত ছাৰেত নিজ্জাৰক গুলীয়াই হত্যা কৰা হৈছিল। ইয়াৰ পিছত ছেপ্টেম্বৰ মাহত জাষ্টিন ট্ৰুডোৱে কৈছিল যে এই হত্যাকাণ্ডত ভাৰতৰ হাত আছে। শেহতীয়াকৈ পুনৰ ট্ৰুডোৱে এই অভিযোগ পুনৰাবৃত্তি কৰিছে। ইয়াৰ ওপৰত ভাৰতে তীব্ৰ আপত্তি প্ৰকাশ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
