দোস্তানা-২ত একেলগে কাম কৰাৰ কথা আছিল কাৰ্তিক আৰিয়ান আৰু কৰণ জোহাৰৰ৷ কিন্তু দুজনৰ মাজত আভ্যন্তৰীণ কিছু সমস্যা তৈয়াৰ হোৱাৰ বাবে সেই ছবি কেতিয়া মুক্তি পাব জানিব পৰা হোৱা নাই৷ সেয়ে এইবাৰ নিজৰ ব্যক্তিগত বিবাদ আঁতৰাই কৰণ জোহাৰ আৰু কাৰ্তিক আৰিয়ানে আকৌ যুঁটি বান্ধিছে৷ কৰণৰ পৰিচালনাতেই নহয় প্ৰযোজনাতো আছে কাৰ্তিক৷ তু মেৰি মে তেৰা মে তেৰা তু মেৰি নামৰ ৰোমাণ্টিক ছবিৰ প্ৰচাৰত আছে কৰণ জোহাৰ৷ নায়কৰ ভূমিকাত আছে কাৰ্তিক আৰিয়ান৷ কিন্তু কাৰ্তিকৰ বিপৰীতে কোন নায়িকাক দেখা যাব সেই বিষয়ক লৈ নানান জল্পনা চলিছে৷ প্ৰথমে শুনা গৈছিল, জাহ্নৱী কাপুৰে এই ছবিত অভিনয় কৰিব৷ ইয়াৰ পাছতেই বহুতে শ্ৰী লীলাক কাৰ্তিকৰ নায়িকা হিচাপে দেখা যাব বুলি চৰ্চা চলাইছিল৷ কিন্তু সমস্ত জল্পনা কল্পনাৰ অন্ত পেলাই কাৰ্তিকৰ বিপৰীতে এইবাৰ অভিনয় কৰিছে অনন্যা পাণ্ডেই৷
অনন্যা আৰু কাৰ্তিকে পূৰ্বে পতি পত্নী ঔৰ ৱ চিনেমাত একেলগে অভিনয় কৰিছিল৷ ২০১৯ চনত মুক্তিপ্ৰাপ্ত এই চিনেমাত কাৰ্তিক আৰু অনন্যাৰ কেমিষ্ট্ৰি বেছ ভালেই পাইছিল দৰ্শকে৷ একেসময়তে দুজনৰ সম্পৰ্কৰ খবৰো শুনা গৈছিল৷ অৱশ্যে সেই সম্পৰ্ক বেছিদিন নিটিকিল৷ কিন্তু এইবাৰ আহিবলগা ছবিৰ আৰম্ভণিতে ভাইৰেল হৈছে বিশেষ ছবি৷ অনন্যাক সাবটি চুমা খাই থকা দেখা গৈছে কাৰ্তিকক৷
সম্প্ৰতি কৰণ জোহাৰে সামাজিক মাধ্যমত এখন ছবি শ্বেয়াৰ কৰিছে তাতেই কাৰ্তিকে অনন্যাক এখন পাছপৰ্টৰ আঁৰত চুমা খোৱা দেখা গৈছে৷ এই ছবি দেখিয়েই কৌতুহল বাঢ়িছে নেটিজেনৰ মাজত৷ আগন্তুক বৰ্ষৰ ১৩ ফেব্ৰৱাৰীত কৰণ জোহাৰে মুক্তি দিব অনন্যা আৰু কাৰ্তিক অভিনীত বিশেষ ছবিখন৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
