অসম লাইভ ২৪ঃ দিল্লীৰ মুখ্যমন্ত্ৰী অৰবিন্দ কেজৰিৱালে উদযাপন নকৰিলে জন্মদিন। দেশত ক’ৰোনা সংক্ৰমণৰ পৰিপ্ৰেক্ষিতত জন্মদিন উদযাপনৰ পৰা বিৰত থাকে মুখ্যমন্ত্ৰীগৰাকীয়ে। অৱশ্যে কেজৰিৱালক ছ’চিয়েল মিডিয়াৰ জৰিয়তে প্ৰধানমন্ত্ৰী নৰেন্দ্ৰ মোদীৰ পৰা ধৰি দলৰ তৃণমূল কর্মীলৈকে সকলোৱে শুভেচ্ছাৰে ওপচাই দিয়ে। দিল্লীৰ মুখ্যমন্ত্ৰীগৰাকী নিজৰ জন্মদিনত দলীয় কর্মকর্তা আৰু ৰাইজক আহ্বান জনালে গ্ৰামাঞ্চলৰ লোকৰ মাজত ‘অক্সিমিটাৰ’ বিতৰণৰ বাবে। ইচ্ছুক লোকে যিমান পাৰে সিমান অক্সিমিটাৰ AAPৰ জৰিয়তেও পিছপৰা অঞ্চলসমূহলৈ পঠাব পাৰিব বুলি মুখ্যমন্ত্ৰীগৰাকীয়ে কয়। যিসকল লোকে মুখ্যমন্ত্ৰীগৰাকীক জন্মদিনৰ উপহাৰ দিব বিচাৰিছে, তেওঁলোককো সাধাৰণ ৰাইজৰ বাবে অক্সিমিটাৰ দান কৰিবলৈ তেওঁ আহ্বান জনায়। উল্লেখ্য দিল্লীৰ বিদ্যালয় খোলৰ প্ৰসংগত তেওঁ কয়- পৰিস্থিতি সম্পূর্ণ নিয়ন্ত্ৰণাধীন নোহোৱালৈকে বিদ্যালয় খোলাৰ চিন্তা কৰা নাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
