এখন স্কুল বাছত শ্বাসৰুদ্ধ হৈ এগৰাকী ৪ বছৰীয়া ছাত্ৰীৰ কৰুণ মৃত্যু ঘটিছে৷ স্কুল বাছখনৰ ভিতৰত অস্বাভাৱিকভাৱে উষ্ণতা বৃদ্ধি পোৱাৰ ফলতে ছাত্ৰীগৰাকীৰ কৰুণ মৃত্যু ঘটে বুলি প্ৰকাশ পাইছে৷ এই কৰুণ ঘটনাটো কেৰালাৰ দোহাত সংঘটিত হৈছে৷
কৰুণ মৃত্যুক আকোৱালি লোৱা ছাত্ৰীগৰাকী স্প্ৰিংফিল্ড কিণ্ডাৰগাৰ্টেনৰ মিনছা মাৰিয়াম জেকব বুলি চিনাক্ত কৰা হৈছে৷ দেওবাৰে অকণমানি ছাত্ৰীগৰাকীয়ে কৰুণ মৃত্যু আকোৱালি লয় বুলি ধাৰণা কৰা হৈছে৷
ঘটনাৰ বিৱৰণীৰ মতে ছাত্ৰীগৰাকীয়ে বিদ্যালয়ৰ পৰা বাছেৰে ঘৰলৈ গৈ থকাৰ সময়ত বাছখনৰ ভিতৰতে টোপনিত ঢলি পৰে৷ বাছখনৰ ক্ৰু দলে ছাত্ৰীগৰাকীয়ে বাছৰ ভিতৰত শুই থকাৰ অৱস্থাতে পাৰ্কিং লটত তলা মাৰি গুচি যায়৷
লগতে পঢ়ক স্বামীৰ যৌন প্ৰয়োজনীয়তা অতি বেছি! ৮৭ বছৰীয়া বৃদ্ধাৰ হেল্পলাইন নম্বৰত ফোন কৰি অভিযোগ
কিন্তু ক্ৰুৱে দেওবাৰে বাছখনৰ দুৱাৰ খুলি ভিতৰত সোমাই দেখে যে ছাত্ৰীগৰাকীৰ অচেতন অৱস্থাত বাছখনৰ মজিয়াতে পৰি আছে৷
ছাত্ৰীগৰাকীক অচেতন অৱস্থা উদ্ধাৰ কৰি ততাতৈয়াকৈ আল ভাক্ৰাৰ চিকিৎসালয়লৈ প্ৰেৰণ কৰা হয় যদিও চিকিৎসকে মৃত বুলি ঘোষণা কৰে।
প্ৰাথমিক অনুসন্ধানত গৰমত ছাত্ৰীগৰাকীয়ে শ্বাসৰুদ্ধ হৈ মৃত্যু হোৱা বুলি আৰক্ষীয়ে সন্দেহ কৰিছে। ইপিনে, দোহাৰ শিক্ষা আৰু উচ্চ শিক্ষা মন্ত্ৰালয়ে ছাত্ৰীগৰাকীৰ কৰুণ মৃত্যুত শোক প্ৰকাশ কৰি ঘটনাৰ তদন্ত আৰম্ভ কৰা হৈছে বুলি জানিবলৈ দিয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
