অসম লাইভ২৪ঃ কেৰালা ভ্ৰমণলৈ গৈ কেইবাটাও প্ৰকল্পৰ উদ্বোধন কৰিছে প্ৰধানমন্ত্ৰী নৰেন্দ্ৰ মোদীয়ে৷ বাম মুখ্যমন্ত্ৰী পিনাৰাই বিজয়নেও মোদীক দিছে পৰ্যাপ্ত নিৰাপত্তা৷ কিন্তু মোদীয়ে এই আতিথ্যৰ মাজত ভুলতো ভৱা নাছিল যে দিল্লীলৈ উভতি যোৱাৰ পাছতেই তেওঁৰ বিৰুদ্ধে আদালতৰ কাষ চাপিব কেৰালাৰ লোক৷
মোদীয়ে প্ৰত্যাশা নকৰা এক ঘটনাই সংঘটিত হৈছে৷ কেৰালাৰ এজন সাধাৰণ লোকে মোদীৰ বিৰুদ্ধে দাখিল কৰিছে এজাহাৰ৷ ব্যক্তিজন বিৰোধী দলৰো সদস্য নহয়৷ কোছিৰ ৰোড শ্ব’ সম্বোধন কৰিবলৈ গৈয়েই বিপদৰ সন্মুখীন হৈছে৷ ৰোড শ্ব’ত এখন গাড়ীৰ দৰ্জা খুলি উপস্থিত জনতাক অভিবাদন জনাই আগবাঢ়িছিল মোদী৷ উপস্থিত জনতাক সম্ভাষন জনাবলৈ চলন্ত বাহনৰ দুৱাৰ খুলি থিয় হৈ লৈছিল মোদীয়ে৷ গাড়ীৰ কাষে কাষে আগবাঢ়িছিল দেহৰক্ষী কেইজন৷ ৰাস্তাত বিজেপিৰ কৰ্মকৰ্তা আৰু মানুহৰো যথেষ্ট ভীৰ আছিল৷ ফুলেৰে ঢকা বাহনেৰে ট্ৰেফিক ৰুল ভাঙি যাত্ৰা কৰা মোদীক দেখিয়েই ব্যক্তিজনে দাখিল কৰিছে এজাহাৰ৷
ত্ৰিশূৰৰ বাসিন্দা জয়কৃষ্ণানে মোদীৰ এই কাৰ্য বেআইনী বাবেই আৰক্ষীৰ কাষ চপা বুলি জনাইছে৷ মোদীয়ে কেৱল গাড়ীৰ দৰ্জাই খুলি ৰখা নাছিল, লগতে তেঁও যাত্ৰা কৰা বাহনখনৰ গ্লাছো ফুলেৰে ঢকা আছিল৷ যিটোও বেআইনী৷ চালকৰ এই ক্ষেত্ৰত ৰাস্তা দেখাত অসুবিধা হৈছিল৷ জয়কৃষ্ণানৰ মতে মোদীৰ এই কাৰ্য একেবাৰেই বেআইনী৷ সেয়ে এই ক্ষেত্ৰত প্ৰশাসন কঠোৰ হ’ব লাগে৷ নহ’লে সমাজৰ অইন লোকেও এই আইন মানি নচলিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ