বৈদিক জ্যোতিষ শাস্ত্ৰত ৰাহু আৰু কেতুক ছায়া আৰু পাপী গ্ৰহ আখ্যা দিয়া হয়৷ ৰাহুৰ দৰেই কেতুৱে জাতকক সাংসৰিক আৰু ভৌতিক সুখৰ পৰা বঞ্চিত কৰে৷ প্ৰায় ১৮ মাহৰ পাছত ৰাশি পৰিবৰ্তন কৰিব কেতুৱে৷ বৰ্তমান কন্যা ৰাশিত ভ্ৰমণ কৰিছে কেতুৱে৷ ২০২৫ পৰ্যন্ত এই ৰাশিত থাকিব ছায়া গ্ৰহ৷ কন্যা ৰাশিত কেতুৰ উপস্থিতিৰ কাৰণে কিছু ৰাশিৰ জীৱনত ইতিবাচক প্ৰভাৱ পৰিব৷ কেইটামান ৰাশিৰ জাতক এই সময়ত সতৰ্ক হৈ থকাটো ভাল৷ কেতুৰ কন্যাত উপস্থিতি ২০২৫ লৈকে কাৰ বাবে শুভ জানক সবিশেষ৷
মেষ ৰাশি
কন্যা ৰাশিত কেতুৰ গোচৰ মেষ জাতকৰ বাবে লাভজনক প্ৰমাণিত হ’ব৷ এই ৰাশিৰ ষষ্ঠ স্থানত কেতু উপস্থিত হৈছে৷ এই ৰাশিৰ স্বাস্থ্য ভালে থাকিব৷ দীৰ্ঘদিন ধৰি চলি থকা সমস্যাৰ পৰা মুক্তি পাব৷ ইয়াৰোপৰি আপোনাৰ সমস্ত চেষ্টা এইবাৰ সফল হ’ব৷ কেৰিয়াৰত অসাধাৰণ সাফল্য লাভৰ সম্ভাৱনা আছে৷ ইয়াৰোপৰি চাকৰিত নতুন সুযোগ পাব৷ কামত সন্তুষ্ট থাকিব৷ মেষ জাতকৰ মনৰ মাজত আত্মবিশ্বাস আৰু সাহস বাঢ়িব৷ যিয়ে সমস্ত ক্ষেত্ৰত সাফল্য লাভৰ বাবে আগুৱাই দিব আপোনাক৷ আয় বৃদ্ধি হ’ব৷ পৰিয়ালৰ সংগ লাভ কৰিব৷
কৰ্কট ৰাশি
এই ৰাশিৰ জাতকৰ বাবে কেতুৰ ৰাশি পৰিবৰ্তন লাভজনক প্ৰমাণিত হ’ব৷ এই ৰাশিৰ জাতকে বহু সাফল্য লাভ কৰিব পাৰিব৷ কেৰিয়াৰত চকু মেল খোৱা সাফল্য পাব৷ আপোনাৰ পৰিশ্ৰম এই সময়ত সফল হ’ব৷ বিদেশ যাত্ৰাৰ সপোন দেখি থকাসকলৰ ইচ্ছা পূৰণ হ’ব৷ বিদেশৰ পৰা ধনলাভ সম্ভৱ৷ আধ্যাত্মিকতাৰ প্ৰতি আকৰ্ষণ বাঢ়িব৷ নতুন চাকৰিৰ সন্ধানত থকাসকল সফল হ’ব৷ এই ৰাশিৰ জাতক সাহসী আৰু অকুতোভয় হ’ব৷ এওঁলোকৰ নেতৃত্ব লোৱাৰ ক্ষমতা অসাধাৰণ৷ এই ব্যক্তিত্বৰ প্ৰভাৱত ব্যৱসায়ত প্ৰচুৰ লাভ অৰ্জন কৰিব পাৰিব৷ আয়ৰ নতুন উৎস পাব৷ জীৱনত আনন্দৰ আগমন হ’ব৷
বৃশ্চিক ৰাশি
২০২৫ পৰ্যন্ত কেতুৰ গোচৰৰ প্ৰভাৱত বৃশ্চিক ৰাশিৰ জাতকৰ জীৱনৰ সমস্ত ক্ষেত্ৰত সাফল্য অৰ্জন কৰিব৷ বুদ্ধিমত্তা প্ৰয়োগ কৰি সঠিক সিদ্ধান্ত গ্ৰহণ কৰিব পাৰিব৷ নিজৰ যোগ্যতা আৰু প্ৰতিভা চিহ্নিত কৰাৰ চেষ্টা কৰক৷ ইয়াৰোপৰি এই সময়ত কোনো ডাঙৰ ব্যৱসায় আৰম্ভ কৰিব পাৰে৷ ইয়াৰ দ্বাৰা লাভাম্বিত হ’ব বৃশ্চিক ৰাশিৰ জাতক৷ অপ্ৰয়োজনীয় ব্যয় বন্ধ হ’ব৷ আপোনাৰ লুকাই থকা প্ৰতিভা প্ৰকাশিত হ’ব৷ কেতুৰ ওপৰত বৃহস্পতিৰ দৃষ্টি থকাত প্ৰচুৰ লাভ অৰ্জন কৰিব পাৰিব এই ৰাশিৰ জাতকে৷ নেতা হিচাপেও আপুনি আত্মপ্ৰকাশ কৰিব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
