অসম লাইভ২৪ঃ আইন মন্ত্ৰী কিৰেণ ৰিজিজুৱে উচ্চতম ন্যায়ালয়ৰ কাৰ্যকলাপত অসন্তুষ্ট হৈ কৰিছে বিশেষ মন্তব্য। উচ্চতম ন্যায়ালয়ৰ ন্যায়াধীশৰ নিযুক্তি প্ৰক্ৰিয়াকলৈ অসন্তুষ্টি প্ৰকাশ কৰিছে কেন্দ্ৰীয় আইন মন্ত্ৰী কিৰেণ ৰিজিজুৱে।
কেন্দ্ৰীয় মন্ত্ৰী গৰাকীৰ ভাষ্য অনুসৰি, ‘দেশৰ ন্যায় ব্যৱস্থাটোৰ ওপৰত মোৰ আস্থা আছে যদিও উচ্চতম ন্যায়ালয়ত ন্যায়াধীশ বিশেষকৈ মুখ্য ন্যায়াধীশৰ নিযুক্তি প্ৰক্ৰিয়াটোৰ সৈতে জড়িত উত্তৰসূৰীৰ হাতলৈ পদবী স্থানান্তৰ কৰা প্ৰক্ৰিয়াটোত মোৰ আপত্তি আছে। এইদৰে ন্যায়াধীশ নিযুক্তি দিয়াটো একেবাৰেই ভাল হোৱা নাই।’
ইয়াৰোপৰি মন্ত্ৰীগৰাকীয়ে মন্তব্যত কয়,’ এইদৰে নিৰ্বাচন কৰিলে বহু যোগ্য ব্যক্তিয়ে আশাহত হ’বলগীয়া হয়। পূৰ্বতেও এনে হৈছেই। কিয়নো, উচ্চ ন্যায়ালয় অথবা উচ্চতম ন্যায়ালয়ৰ ন্যায়াধীশ নিযুক্তি প্ৰক্ৰিয়াৰ সৈতে জড়িত পীঠে কেৱল চিনাকী ব্যক্তিকহে নিযুক্তি দিয়ে।’
উল্লেখ্য যে, আইন মন্ত্ৰীগৰাকীয়ে ন্যায় ব্যৱস্থাৰ ওপৰত মন্তব্য কৰি কয়, কোনো দেশৰেই ন্যায় ব্যৱস্থা ক্ৰূটিহীন নহয়, সকলোৰে নিজা নিজা সমস্যা আছে। কিন্তু এই সমস্যাবোৰৰ উৰ্দ্ধত আহিব পাৰিলেহে ন্যায় আৰু আইনী প্ৰক্ৰিয়াটো নিকা, সফল হ’ব। লগতে অতি শীঘ্ৰেই উত্তৰসূৰীৰ হাতত পদবী ন্যস্ত কৰা অভ্যাসটো এৰিবলৈ আহ্বান জনাই আইন মন্ত্ৰীগৰাকীয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
