ঘাত, প্ৰত্যাঘাত৷ পহেলগামৰ প্ৰত্যাক্ৰমণ হিচাপেই অপাৰেছন সেন্দুৰ৷ মাজনিশা ভাৰতীয় সেনাই দিলে মোক্ষম জৱাব৷ ভাঙি গুৰি কৰি দিয়া হৈছে পাকিস্তানৰ একাধিক সন্ত্ৰাসবাদী ঘাঁটি৷ পাকিস্তানক প্ৰত্যাঘাতেৰে হুঁচিয়াৰি দিছে৷ এই পৰিস্থিতিত বিশ্ব নেতাসকলে দুখন পাৰমাণৱিক শক্তিধৰ দেশক শান্তি বজাৰ ৰখাৰ পৰামৰ্শ দিছে৷ বাৰ্তা দিয়া হৈছে সংযত হৈ থকাৰ বাবেও৷
প্ৰশ্ন উঠিছে, পাৰমাণৱিক বোমা বিস্ফোৰণ হ’লে কিমান ছেকেণ্ড সময় লাগে বিস্ফোৰণত? বিস্ফোৰণ হ’লে একেলগে কিমান এলেকা মুহূৰ্ততে ধূলিস্যাৎ হৈ যাব পাৰে৷ পাৰমাণৱিক যুদ্ধ হ’লে দেশৰ নিৰাপত্তাৰ বাবে কি আছে ভাৰতৰ হাতত?
সৰ্বভাৰতীয় সংবাদ সংস্থাই জনোৱা তথ্য অনুসৰি ভাৰতৰ হাতত বিশ্বৰ সকলোতকৈ উন্নত আৰু সক্ষম প্ৰতিৰক্ষা ব্যৱস্থা আছে৷ এছ-৪০০ বিমান প্ৰতিৰক্ষা ব্যৱস্থাৰ ওপৰিও, ভাৰতৰ ওচৰত আৰু কেইবাটাও চিষ্টেম আছে যিয়ে ক্ৰুজ ক্ষেপণাস্ত্ৰ হওক বা বেলিষ্টিক ক্ষেপণাস্ত্ৰ, যিকোনো পাকিস্তানী আক্ৰমণক বাধা দিবলৈ সক্ষম৷ পাকিস্তানে পাৰমাণৱিক বোমা বহন কৰা বেলিষ্টিক ক্ষেপণাস্ত্ৰ উৎক্ষেপণ কৰিলে এয়া ধ্বংস কৰি দিব পাৰে ভাৰতৰ প্ৰতিৰক্ষা ব্যৱস্থাই৷
কি এই বেলিষ্টিক মিছাইল ডিফেন্স চিষ্টেম?
সৰ্বভাৰতীয় সংবাদ সংস্থাৰ তথ্যমতে বেলিষ্টিক মিছাইল ডিফেন্স চিষ্টেম সাধাৰণতে পাৰমাণৱিক আক্ৰমণৰ সময়ত ব্যৱহৃত হয়৷ ই প্ৰতিৰক্ষামূলক ঢাল হিচাপে ব্যৱহৃত হয়৷ পৃথ্বী ডিফেন্স ভেহিকেল যুদ্ধবিমান ড্ৰোণ, ক্ৰুজ আৰু বেলিষ্টিক মিছাইলক ৰখাই দিবলৈ কেইটামান মুহূৰ্তই যথেষ্ট৷ এয়া বতাহত থকা অৱস্থাতেই ৪০,০০০ ফুট উচ্চতাত লক্ষ্যবস্তু চিহ্নিত আৰু ধ্বংস কৰিব পাৰে৷ এয়া উৎক্ষেপণৰ মাত্ৰ ১০ মিনিটৰ ভিতৰতেই কাৰ্যকৰী হৈ উঠে৷ এই ক্ষেপণাস্ত্ৰ ব্যৱহাৰ কৰি ৪০০ কিঃমিঃ দূৰৈত থকা পাকিস্তানী যুদ্ধবিমান, বোমাৰু বিমান, নজৰদাৰি বিমান আৰু ড্ৰোণত ভূপতিত, ধূলিস্যাৎ কৰিব পাৰে৷
চন ১৯৯৬৷ প্ৰায় তিনিদশক পূৰ্বে ভাৰতৰ ক্ষেপণাস্ত্ৰ প্ৰতিৰক্ষা কৰ্মসূচী আৰম্ভ হয়৷ উল্লেখ্য যে ইজৰায়েলে শত্ৰুপক্ষৰ ক্ষেপণাস্ত্ৰত ট্ৰেক কৰিবলৈ সক্ষম এটি ৰাডাৰ চিষ্টেম তৈয়াৰ কৰে৷ যি লং ৰেঞ্জ ট্ৰেকিং ৰেডাৰ বা ছোৰ্ডফিছ নামেৰে পৰিচিত৷ এয়া পাকিস্তান বা চীনৰ পৰা ৩০০ কিঃমিঃ দূৰ পৰ্যন্ত ক্ষেপণাস্ত্ৰ ট্ৰেক কৰিবলৈ সক্ষম এটা ৰেডাৰ চিষ্টেম তৈয়াৰ কৰে, যি লং ৰেঞ্জ ট্ৰেকিং ৰেডাৰ বা ছৰ্ডফিছ নামেৰে পৰিচিত৷
এয়া পাকিস্তান বা চীনৰ পৰা ৩০০ কিঃমিঃ দূৰ পৰ্যন্ত ক্ষেপণাস্ত্ৰ চিনাক্ত কৰিব পাৰে৷ ২০১৭ চনৰ ফেব্ৰুৱাৰীত ভাৰতে পৃথ্বী প্ৰতিৰক্ষা যান পৰীক্ষা কৰে৷ এয়া এটা নতুন ক্ষেপণাস্ত্ৰ ট্ৰেকিং চিষ্টেম যি চিনাক্তকৰণৰ পাছতেই আৰম্ভ কৰা হয়৷ একেলগে উল্লেখ কৰা প্ৰয়োজন যে ভাৰতৰ এটা মোবাইল মিছাইল ডিফেন্স চিষ্টেমো আছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
