অক্টোবৰৰ আধা মাহেই বেংক বন্ধ! অসমত মুঠ কেইদিন বন্ধ থাকিব বেংক?

উৎসৱৰ বতৰ ইতিমধ্যেই আৰম্ভ হৈছে৷ এদিনৰ পাছতেই মহালয়া৷ মানে দেৱীপক্ষৰ আৰম্ভণি হ’ব ২ অক্টোবৰৰ পৰা৷ অক্টোবৰতেই দুৰ্গাপূজা, লক্ষ্মীপুজা আৰু কালী পুজা পৰিছে৷ অক্টোবৰ মাহত মুঠতে উৎসৱৰ ওপৰিও আছে আন এক খবৰ৷ এইমাহত কেইবাদিনলৈকে বন্ধ থাকিব বেংক৷

২ অক্টোবৰত মহালয়াৰ লগতে গান্ধী জয়ন্তী৷ সেয়ে এই দিনটোতো বন্ধ থাকিব বেংক৷ শনি আৰু দেওবাৰে পুজাৰ বন্ধৰ সৈতে মিলি কেইবাদিনলৈ বন্ধ থাকিব বেংক৷ ৰিজাৰ্ভ বেংক অৱ ইণ্ডিয়াৰ ছুটিৰ তালিকাত উল্লেখ থকামতে অক্টোবৰ মাহত সমগ্ৰ দেশত মুঠ ১৫ দিন বন্ধ থাকিব বেংক৷ আনকি উৎসৱৰ বাবে জাতীয় ছুটিও কেইবাটাও আছে এই মাহত৷ ইয়াৰোপৰি দ্বিতীয় শনিবাৰ আৰু চতুৰ্থ শনিবাৰ, দেওবাৰৰ ছুটিসমূহো তালিকাত আছে৷ ঠাই বিশেষে এই ছুটি বেলেগ বেলেগ হ’ব৷

পশ্চিমবংগৰ আটাইতকৈ ডাঙৰ উৎসৱ হৈছে দূৰ্গাপূজা সেয়ে ১০ অক্টোবৰত বন্ধ থাকিব বেংক৷ কেৱল পশ্চিমবংগই নহয়, অসম, ত্ৰিপুৰা, নাগালেণ্ডতো এই দিনটোত বন্ধ থাকিব বেংকৰ শাখা৷ ১১ অক্টোবৰত শুক্ৰবাৰ, তিথি অনুসৰি এই দিনটো পৰিছে অষ্টমী আৰু নৱমী৷ সেই দিনটোত পশ্চিমবংগ, বাংগালুৰু, ভুৱনেশ্বৰ, চেন্নাই, ৰাঁচি আৰু গেংটকত বন্ধ থাকিব বেংক৷

১২ অক্টোবৰত দশমী এই দিনটো মাহৰ দ্বিতীয় শনিবাৰ কাৰণে সাধাৰণভাৱেই বন্ধ থাকিব বেংক৷ এইবাৰ ১৬ অক্টোবৰত কোজাগৰী লক্ষ্মী পূজা৷ এই দিনটোত কলকাতা আৰু আগৰতলা সকলোতে বেংক বন্ধ থাকিব৷ আকৌ মাহৰ শেষত ৩১ অক্টোবৰ কালীপুজাত বন্ধ থাকিব বেংক৷ ইয়াৰোপৰি ৩ অক্টোবৰ নৱৰাত্ৰি উপলক্ষ্যে ছুটি জয়পুৰত৷ ১৭ অক্টোবৰত বাল্মীকি জয়ন্তী উপলক্ষে বন্ধ থাকিব বাংগালুৰু, অসম আৰু ছিমলাৰ বেংক৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ