মহিলাসকলৰ বয়স বেছি বাঢ়ি গ’লে সন্তান ধাৰণৰ ক্ষেত্ৰত নানান সমস্যা তৈয়াৰ হয়৷ বহু সময়ত শৰীৰত ডিম্বানু তৈয়াৰ হোৱা বন্ধ হৈ যায়৷ সেয়ে আজিকালি বহুতেই কম বয়সতেই ডিম্বানু সংৰক্ষণ কৰিবলৈ আৰম্ভ কৰে৷ বহুতৰেই আকৌ ধাৰণা মহিলাইহে বন্ধ্যাত্বৰ সমস্যাত ভূগে৷ কিন্তু বিষয়টো মুঠেও তেনেকুৱা নহয়৷ পুৰুষসকলৰো পিতৃ হোৱাৰ এক নিৰ্দিষ্ট বয়স থাকে৷
বয়স বেছি হ’লে পুৰুষেও পিতৃ হোৱাৰ ক্ষমতা হেৰুওৱাই৷ নানান জটিলতা তৈয়াৰ হয় সঙ্গমৰ ক্ষেত্ৰতো৷ মেচুৰিটাছ জাৰ্নেলত প্ৰকাশিত এক গৱেষণা অনুসৰি বয়স বঢ়াৰ লগে লগে পুৰুষসকলৰ পিতৃ হোৱাৰ ক্ষেত্ৰত নানান সমস্যা তৈয়াৰ হয়৷ শুক্ৰাণুৰ উৎপাদন কমি আহে আৰু পুৰুষসকলৰ শুক্ৰাণুৰ গুণগত মান কমি গৈ থাকে৷ মহিলাৰ ক্ষেত্ৰত মেনোপজ বা ৰজনিবৃত্তিৰ পাছত সন্তানঘাৰণৰ সম্ভাৱনা নাথাকে৷ পুৰুষৰ ক্ষেত্ৰত বিষয়টো তেনে নহয়৷
পুৰুষসকলৰ শৰীৰৰ শুক্ৰাণু তৈয়াৰ প্ৰক্ৰিয়া কেতিয়াও বন্ধ নহয়৷ বয়স বঢ়াৰ লগে লগে শুক্ৰাণুৰ জেনেটিক মিউটেছন হয়৷ জেনেটিক মিউটেছন হ’লে শুক্ৰাণুৰ ডিএনএ ক্ষতিগ্ৰস্থ হোৱাৰ সম্ভাৱনা বাঢ়ি যায়৷ ফলত পুৰুষৰ পিতৃ হোৱাৰ সম্ভাৱনাও বহু কমি যায়৷ জনা গৈছে যে ৪০ বছৰৰ পাছত পুৰুষৰ পিতৃ হোৱাৰ ক্ষমতা প্ৰায় কমি যায়৷ পিতৃ হ’লেও শুক্ৰাণুৰ গুণগত মান কমি যোৱাৰ প্ৰভাৱ সন্তানৰ স্বাস্থ্যৰ ওপৰত পৰে৷ সংগীগৰাকীয়ে গৰ্ভাৱস্থাত ডায়বেটিছ, প্ৰিক্লেম্পছিয়া বা প্ৰি মেচিউৰড বেবী জন্ম হ’ব পাৰে৷ জন্মৰ সময়ত শিশুৰ জন্মকালীন ওজন বা বাৰ্থৱেট স্বাভাৱিক শিশুতকৈ কম হ’ব পাৰে৷
পিতৃৰ বয়স হ’লে সদ্যোজাতৰ হাৰ্টৰ সমস্যা হ’ব পাৰে৷ বহুতৰেই মনত প্ৰশ্ন থাকে যে পিতৃ হোৱাৰ উপযুক্ত বয়স কিমান? গৱেষকৰমতে পুৰুষৰ শুক্ৰাণুৰ মান সকলোতকৈ বেছি উৎকৃষ্ট থাকে ২৫ৰ পৰা ৩০বছৰৰ ভিতৰত৷ এই সময়ৰ ভিতৰত পিতৃ হোৱাটো সকলোতকৈ ভাল সময়৷ শৰীৰৰ স্বাস্থ্য ভাল হ’লে চিকিৎসকৰ পৰামৰ্শ লৈ ৩২-৩৩ৰ ভিতৰতো এই প্লেন কৰিব পাৰে৷ কিন্তু বহুতেই বেছি বয়সত পিতৃ হ’ব খোজে৷ তাৰ বাবে আপোনালোকে চিকিৎসকৰ পৰামৰ্শ ল’ব পাৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
