কলিযুগক লৈ এই ৬ভৱিষ্যদ্বাণী কৰিছিল স্বয়ং কৃষ্ণই, যি সঁচা প্ৰমাণিত হৈছে প্ৰতিদিনেই

গীতাত শ্ৰীকৃষ্ণই কৈছে যে পৰিবৰ্তনেই হৈছে বিশ্বৰ নিয়ম, সেয়ে মানুহে পৰিবৰ্তন মানি লৈ আগুৱাই যাব পাৰে৷ যুগ সলনিৰ সৈতে এই পৃথিৱীত মানুহৰ আচাৰ ব্যৱহাৰৰো পৰিবৰ্তন হৈছে৷ মহাভাৰতত শ্ৰীকৃষ্ণই কলিযুগত কি ঘটিব তাৰ আভাস দি গৈছিল৷ নাৰী পুৰুষৰ ব্যৱহাৰ কলিযুগত কি ধৰণৰ পৰিবৰ্তন আহিব, সেই বিষয়ে ভৱিষ্যদ্বাণী কৰিছিল তেওঁ৷ জানক কলিযুগত নাৰী পুৰুষৰ ব্যৱহাৰক লৈ কি কৈছে শ্ৰী কৃষ্ণই৷

অৰ্থৰ বাবে হত্যা

শ্ৰী কৃষ্ণই কৈছিল যে কলিযুগত মানুহ ইমানেই নিৰ্মম হৈ যাব যে তেওঁলোকে কাৰোৰে সৈতে সম্পৰ্কৰ মূল্য নাৰাখিব৷ পিতৃয়ে সন্তানক হত্যা কৰিব, সন্তানে পিতৃক হত্যা কৰিব৷ সামান্য অৰ্থৰ বাবেই মানুহে মানুহক হত্যা কৰিবলৈ কুণ্ঠাবোধ নকৰিব৷

নাৰীক অপমান

শ্ৰীকৃষ্ণই কৈছিল যে কলিযুগত পুৰুষে নাৰীক সৰু দেখুৱাবলৈ চেষ্টা কৰিব৷ প্ৰকাশ্যে নাৰীক পুৰুষে অপমান কৰিব৷ নাৰীক অপমান কৰি পুৰুষে নিজক ডাঙৰ দেখুৱাবলৈ যত্ন কৰিব৷ নাৰীৰ সাহস আৰু আত্মত্যাগ পুৰুষৰ কাষত মূল্যহীন হৈ যাব৷

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ