সম্পূৰ্ণ মৰণোত্তৰ প্ৰতিবেদনঃ ১৪ টা দাগ, নখত নীলা ৰং, চকুত চছমাৰ ভঙা টুকুৰা আৰু…
কলকাতাৰ প্ৰশিক্ষাৰ্থী চিকিৎসকৰ সৈতে সংঘটিত হোৱা বৰ্বৰতা আৰু নিষ্ঠুৰতাৰ সকলো সীমা অতিক্ৰম কৰা ঘটনাৰ সম্পূৰ্ণ মৰণোত্তৰ পৰীক্ষাৰ প্ৰতিবেদন প্ৰকাশ। মহিলা চিকিৎসকগৰাকীক ইমান কষ্ট দিয়া হৈছিল যে তেওঁ সেই যন্ত্ৰণাতে মৃত্যুবৰণ কৰিছিল। আনকি মৃত্যৰ সময়ত কাতৰ চকু দুটাও খোলা অৱস্থাতে থাকি গৈছিল।
দেশ কঁপাই যোৱা কলকাতাৰ আৰ জি কাৰ চিকিৎসা মহাবিদ্যালয় আৰু চিকিৎসালয়ত কামনাৰ বলি হোৱা মহিলা চিকিৎসকগৰাকীৰ মৰণোত্তৰ পৰীক্ষাৰ সম্পূৰ্ণ বিৱৰণ ওলাইছে, যি অন্তৰাত্মা কঁপাই তুলিছে বহু লোকৰ।
প্ৰতিবেদনত প্ৰকাশ পোৱা তথ্য অনুসৰি ভুক্তভোগীৰ শৰীৰত কোনো ধৰণৰ হাত বা ভৰি কিম্বা হাড় ভঙা নাই যদিও সমগ্ৰ শৰীৰৰ ১৪ ঠাইত আঘাত পোৱা গৈছে। গোপন অংগত ভাৱাতকৈ গভীৰ ঘাঁ। চিকিৎসকগৰাকীক এবাৰ নহয় বহুবাৰ ধৰ্ষণ কৰে অভিযুক্তই। এজনতকৈ অধিক অভিযুক্তও জড়িত থাকিব পাৰে এই ঘটনাত।
এনেধৰণৰ আঘাত পোৱা গৈছে ভুক্তভোগীৰ মৃতদেহত-
ব্যক্তিগত অংশ বেয়াকৈ থেতেলিয়াই পেলোৱা
দুয়োহাতেৰে ডিঙি চেপি হত্যা কৰা
দুয়োটা হাওঁফাওঁতে তেজ জমা হোৱা
গোপন অংগত তেজ মিহলি তৰল পদাৰ্থ
বাওঁহাত, কান্ধ, আঁঠু, গোৰোহাত জখম
গোপন অংগৰ হাইমেন ফাটি যোৱাত তেজ ওলোৱা
চকুত তেজৰ দাগ লগতে চশমাৰ ভঙা টুকুৰা লাগি থকা
চকুৰ ছানিবোৰ সম্পূৰ্ণ প্ৰসাৰিত আৰু স্থিৰ হৈ থকা
হাতৰ আঙুলিত তথা নখত নীলা ৰং
গোপন অংগত বলপূৰ্বকভাৱে প্ৰৱেশ কৰাৰ ফলত ঘাঁ
মহিলা ডাক্তৰগৰাকীৰ লগত যি বৰ্বৰতা সংঘটিত হৈছে, সেই নিষ্ঠুৰতাই সমগ্ৰ দেশক কঁপাই তুলিছে। কোনেও ঘটনাটো সহজে এৰি দিবলৈ বিচৰা নাই। বিগত ৭ দিন ধৰি ধৰ্মঘট কৰি আছে দেশৰ সমূহ ডাক্তৰ সন্থাই। জৰুৰীকালীন অৱস্থাত কাম কৰি আছে, কিন্তু অ’পিডি আৰু অন্যান্য সেৱাত ব্যাঘাত জন্মিছে ইয়াৰ ফলত। অভিযুক্তক ফাঁচীৰ দিয়াৰ দাবীৰে ৰাজপথলৈ ওলাই আহিছে চিকিৎসক সমাজ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
