ৰক্ষা নাপালে মহিলা চিকিৎসকো, ন/গ্ম অৱস্থাত উদ্ধাৰ দেহ, মৰণোত্তৰ পৰীক্ষাত শিহৰণকাৰী তথ্য
পশ্চিম বংগৰ কলকাতা চহৰত সংঘটিত হৈছে এক হৃদয় বিদাৰক ঘটনা। এগৰাকী মহিলা চিকিৎসকক ধৰ্ষণ কৰি হত্যা। কেৱল এয়াই নহয়, চিকিৎসকগৰাকীৰ লগত নিষ্ঠুৰতাৰ সীমাও পাৰ কৰি দিছে অজ্ঞাতই। উলংগ অৱস্থাত উদ্ধাৰ হোৱা মৃতদেহটো তেজেৰে লুতুৰি পুতুৰি হৈ আছিল।
মৰণোত্তৰ পৰীক্ষাৰ প্ৰতিবেদনত প্ৰকাশ পাইছে যে মৃতদেহটোৰ মুখৰ পৰা ভৰিলৈকে একাধিক আঘাত আছে। প্ৰহাৰ আৰু আঘাতৰ বাবে মহিলা চিকিৎসকগৰাকীৰ মৃত্যু হোৱাৰ সম্ভৱনা।
উল্লেখ্য যে মৃত মহিলা চিকিৎসকগৰাকী কলকাতাৰ আৰ জি কাৰ মেডিকেল কলেজ এণ্ড হস্পিতালৰ দ্বিতীয় বৰ্ষৰ ছাত্ৰী আছিল আৰু বুকুৰ চিকিৎসা বিভাগত হাউচ ষ্টাফ হিচাপে কাম কৰিছিল।
শনিবাৰে নিশা ১২ মান বজাত যেতিয়া চিকিৎসালয়ৰ কৰ্মচাৰীয়ে জৰুৰীকালীন ৱাৰ্ডত মহিলাগৰাকীৰ মৃতদেহ প্ৰত্যক্ষ কৰে তেতিয়া তেওঁলোকে প্ৰথমে চিকিৎসালয় প্ৰশাসনক খবৰ দিয়ে আৰু পাছত আৰক্ষীক ফোন কৰে।
চিকিৎসালয়ত এগৰাকী চিকিৎসকক ধৰ্ষণ আৰু হত্যাক লৈ উত্তেজিত হৈ পৰিছে চিকিৎসা বিজ্ঞানৰ ছাত্ৰ-ছাত্ৰীসকল। অভিযুক্তক গ্ৰেপ্তাৰ কৰি কঠোৰতম শাস্তি প্ৰদান কৰিবলৈ দাবী জনাইছে। এই ঘটনাৰ পিছত ছাত্ৰ-ছাত্ৰীৰ মাজত ভয় আৰু আতংকৰ পৰিবেশ।
চিকিৎসালয়খনতো উত্তেজনাৰ পৰিবেশ। প্ৰায় ১০ ঘণ্টা ধৰি প্ৰতিবাদ সাব্যস্ত কৰি থকা ছাত্ৰ-ছাত্ৰী আৰু মৃতকৰ পৰিয়ালৰ লোকক পতিয়ন নিয়াবলৈ চেষ্টা কৰিছে আৰক্ষীয়ে। মুখ্যমন্ত্ৰী মমতা বেনাৰ্জীৰ সৈতে কথা পাতিবলৈ দাবী জনাইছে উত্তেজিত লোকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
