‘মই আৰু ঐশ্বৰ্য্যই বিবাহ বিচ্ছেদ লৈ আছো’- অভিষেকৰ ভাইৰেল ভিডিঅ’, পাছে ইয়াৰ সত্যতা কিমান !
অভিষেক বচ্চন আৰু ঐশ্বৰ্য ৰায়ৰ মাজত বিভাজন আৰু বিবাহ বিচ্ছেদৰ উৰাবাতৰিৰ মাজতে ধাৰাবাহিকভাৱে ভাইৰেল হৈ আছে পুৰণি ভিডিঅ’। দীৰ্ঘদিন ধৰি দুয়োৰে মাজত বিভাজনৰ খবৰ আহিছে। অনন্ত আম্বানী আৰু ৰাধিকা মাৰ্চেণ্টৰ হাই-প্ৰফাইল বিয়াখনলৈ ঐশ্বৰ্য ৰায় পৰিয়ালৰ সৈতে নহাটো সকলোৱে লক্ষ্য কৰে, তাৰ পিছতে বচ্চন পৰিয়াল আৰু ঐশ্বৰ্যৰ মাজত হোৱা মনোমালিন্য ছ’চিয়েল মিডিয়াত শিৰোনাম দখল কৰে। তাৰ বিপৰীতে এটা ভিডিঅ’ ভাইৰেল হৈ আছে সামাজিক মাধ্যমত, য’ত অভিষেক বচ্চনে ‘মই আৰু ঐশ্বৰ্যই বিবাহ বিচ্ছেদ লৈ আছো’ বুলি কোৱা দেখা গৈছে।
অভিষেক বচ্চনৰ এই ভিডিঅ’ ক্ৰমান্বয়ে ভাইৰেল হৈ পৰিছে, য’ত তেওঁ নিজৰ আৰু ঐশ্বৰ্যৰ সম্পৰ্কৰ কথা কোৱা দেখা গৈছে। এই ভিডিঅ’টোত তেওঁক বিবাহ বিচ্ছেদৰ বিষয়েও কোৱা দেখা গৈছে। ভিডিঅ’ ভাইৰেল হোৱাৰ লগে লগে ৰাইজৰ মাজত আলোড়নৰ সৃষ্টি হয়। পাছে এই ভাইৰেল ভিডিঅ’টোৰ সত্যতা কিমান!
শেহতীয়াকৈ অভিষেক বচ্চনে ‘ধূসৰ বিবাহ বিচ্ছেদ’ বুলি এটা পোষ্ট শ্বেয়াৰ কৰিছিল, তাৰ পিছত নেটিজেনসকলে বিশ্বাস কৰিবলৈ আৰম্ভ কৰিছিল যে দুয়োৰে মাজত কিবা এটা ভুল হৈছে। অৱশ্যে এনে খবৰক লৈ দুয়োজন তাৰকাৰ লগতে পৰিয়ালৰ অন্য সকলে মৌনতা অৱলম্বন কৰিছে।
এতিয়া এটা ভিডিঅ’ ভাইৰেল হৈছে, য’ত অভিনেতাজনে কোৱা দেখা গৈছে যে, ‘এই জুলাই মাহত ঐশ্বৰ্য আৰু মই বিবাহ বিচ্ছেদ কৰাৰ সিদ্ধান্ত লৈছো।’ ভিডিঅ’টোত তেওঁ আৰাধ্যাৰ কথা উল্লেখ কৰা দেখা গৈছে।
পাছে এই ভিডিঅ’টোক যদি সঁচা বুলি বিবেচনা কৰিছে তেন্তে ই সঁচা নহয়। এই ভিডিঅ’টো চোৱাৰ পিছত স্পষ্টকৈ ধৰা পৰিছে যে এইটো এটা ডিপফেক ভিডিঅ’। ভিডিঅ’টোত অভিষেক বচ্চনৰ লিপ চিংকিং আউট অৱ ছিংক। অৰ্থাৎ তেওঁৰ কথাবোৰ লিপ-চিংকিঙৰ লগত একেবাৰেই মিল নাই। ভিডিঅ’টো চালে এনে লাগে যেন এআই প্ৰযুক্তি বা অনলাইন সঁজুলি ব্যৱহাৰ কৰি নিৰ্মাণ কৰা হৈছে।
এই ভিডিঅ’টো চোৱাৰ পিছত ছ’চিয়েল মিডিয়া ব্যৱহাৰকাৰীসকলে নিজেই ইয়াক পেলনীয়া বুলি অভিহিত কৰিছে। অভিষেক আৰু ঐশ্বৰ্যৰ অনুৰাগীয়ে মিছা আখ্যা দি ভুৱা উৰাবাতৰি প্ৰচাৰ কৰা সকলক তিৰস্কাৰ কৰিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
