অসম লাইভ ২৪ঃ আজি ৰাষ্ট্ৰীয় জনতা দলৰ ২৫ তম বৰ্ষপূৰ্তি। বৰ্ষপূৰ্তি উপলক্ষে দলটোৱে হাতত লৈছে বিশেষ কাৰ্যসূচী। সেই উপলক্ষে দলটোৰ মুৰব্বী লালু প্ৰসাদ যাদৱে ভাগ ল’ব এখন দলীয় সভাত। দলৰ কাৰ্যকৰ্তাসকলৰ সৈতে ভিডিঅ’ কনফাৰেন্সিঙৰ জৰিয়তে মত বিনিময় কৰিব লালুৱে। উল্লেখযোগ্য যে সুদীৰ্ঘ ৩ বছৰৰ পাছত এইখনে লালু প্ৰসাদ যাদৱৰ প্ৰথমখন দলীয় সভা। দীৰ্ঘদিন ধৰি কাৰাবন্দী হৈ থকা বিহাৰৰ প্ৰাক্তন মুখ্যমন্ত্ৰীগৰাকীৰ এই সভালৈ সীমিত সংখ্যক নেতাকহে আমন্ত্ৰণ কৰা হৈছে। ৰাজ্যখনত কোভিডৰ ভয়াৱহতাৰ লক্ষ্য ৰাখি বাকী কাৰ্যকৰ্তাৰ সৈতে ভিডিঅ’ কনফাৰেন্সিঙতে মিলিত হ’ব লালু।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
